1986 წლის 26 აპრილს, უკრაინაში (იმ დროს სსრკ), ჩერნობილის ატომური სადგურის ბირთვულ რეაქტორზე მომხდარმა ავარიამ მიმდებარე ვრცელი ტერიტორიის რადიოაქტიური დაბინძურება გამოიწვია. ეს შემთხვევა შეფასებულია, როგორც უდიდესი ავარია ატომური ენერგეტიკის ისტორიაში, როგორც დაღუპულთა და მისგან დაშავებულ ადამიანთა რაოდენობით, ისე ეკოლოგიური დაბინძურებითა და ეკონომიკური ზიანით.
კატასტროფიდან 30 წლის შემდეგ, Reuters-ის ფოტოგრაფი გლებ გარანიჩი განადგურებულ, მიტოვებულ ქალაქ პრიპიატს ესტუმრა.
პრიპიატი, სადაც იმ დროისათვის 50 000 ადამიანი ცხოვრობდა, ამჟამად მოჩენებათა ქალაქადაა ქცეული. მოსახლეობის ევაკუაცია კატასტროფიდან მეორე დღეს, 27 აპრილს განხორციელდა. 30 წლის შემდეგ, ქალაქი ხელუხლებელია და ყველაფერი ზუსტად ისე გამოიყურება, როგორც იმ დღეს, როცა ის ყველა დატოვა.