რუსი ბიჭუნა, რომელიც იშვილა ოჯახმა კალიფორნიიდან 10 წლის განმავლობაში სექსუალურ ძალადობას განიცდიდა დედობილ-მამობილისგან.პოლიციას შეეძლო ჯერ კიდევ 3 წლის დაესვა მოზარდის ტანჯვისთვის წერტილი, თუმცა გამოძიება დამუხრუჭდა, გაიწელა და საქმეს მსვლელობა აღარ მიეცა.

ათი წლის წინ 9 წლის დენისი ამერიკელმა ცოლ-ქმარმა რალფ და კეროლინ ფლინმა იშვილა ქალაქ სან-ხოსედან(კალიფორნია).

მამობილ-დედობილი საკმაოდ პატიოსან და ღირსეული ადამიანების შთაბეჭდილებას სტოვებდნენ.37 წლის კეროლინი კვალიფიციურ სპეციალისტად მუშაობდა სილიციუმის ველში, (მსოფლიო მნიშვნელობის მაღალტექნოლოგიური ინდუსტრიული ზონა კალიფორნიაში. ცნობილია, როგორც კომპიუტერებისა და ელექტრონიკის პროდუქციის წარმოების ცენტრი.)ხოლო 61 წლის რალფი შოუ-ბიზნესის მარკეტინგის დირექტორი გახლდათ.სხვადასხვა პერიოდში იგი მუშობდა ისეთ ცნობილ მუსიკოსებთან, როგორებიც არიან ბობ დილანი და ჯონი მიტჩელი.

დღეისთვის ცოლ-ქმრის საქმე გამოძიების პროცესშია იმ მრავალწლიანი სექსუალუარი ძალადობის გამო, რომელიც აყვანილი შვილის მიმართ განახორციელეს.

პირველად დაახლოებით სამი წლის წინ მიიღეს ინფორმაცია სამართალდამცავებმა ცოლ-ქმარზე, თუმცა გამოძიება ზერელედ წარიმართა.

როგორც San Jose Mercury News-ი იუწყება, დენისი სულ რამდენიმე თვის გადასული იყო აშშ-ში, როდესაც რალფმა მასზე სექსუალური ძალადობა განახორციელა, ამის შემდეგ მამობილი სისტემატურად ძალადობდა მასზე, ხოლო როდესაც 15 წლის გახდა, ძალადობას დედობილიც შეუერთდა.

ბიჭუნას არც სადმე წასასვლელი ჰქონდა, თან ეშინოდა იმის დაკარგვის რაც გააჩნდა, პირველად თავის გასაჭირის შესახებ გაბედა და ამხანაგებს უამბო, მათ კი პოლიციას შეატყობინეს.ამჯერად პოლიცია სერიოზულად მოეკიდა საქმეს.

71 წლის რალფი და 47 წლის კეროლინი დააკავეს.რალფმა აღიარა დანაშაული და შვილობილს საბოდიშო წერილიც მიწერა, თუმცა კეროლინი უარყოფს ბრალდებას.

საბოლოოდ კეროლინი 525, 000$ გირაოს სანაცვლოდ გაანთავისუფლეს.ხოლო რალფ ფლინი სანტა-კლარას ციხეში რჩება, რადგან მასზე 2, 5 მილიონი $ გირაო დაინიშნა, რალფს კი მისი გადახდის საშუალება არა აქვს.