სულ მალე ფორმალურად, მაგრამ მაინც დადგება კალენდარული გაზაფხული, შემდეგ კი ნელ-ნელა ბუნებაც გამოიღვიძებს და ნამდვილ გაზაფხულს შევიგრძნობთ. ცივი და სუსხიანი ზამთარი ძნელად გვტოვებს, თუმცა, რამდენიმე კვირაში თოვლიან ადგილებს
პირველი ენძელები, შემდეგ კი მწვანე, ხასხასა ბალახი შეცვლის, რასაც მალე ჩიტების ჟღურტულიც მოყვება. ყველა დრო ლამაზია, მაგრამ გაზაფხული ნამდვილად შეუდარებელია და არამარტო ბუნებას, არამედ ჩვენშიც უამრავ შეგრძნებებსა და სიახლეებისაკენ სწრაფვას აღვიძებს. სოციალურ ქსელებში თავიანთ ემოციებს ვერ გამოხატავენ, მაგრამ ჩვენს გარდა, რა თქმა უნდა, გაზაფხულს სხვა ცოცხალი ორგანიზმებიც ელიან, რომელთა შორის ცხოველებიც არიან...

ერთ-ერთმა რუსულმა საიტმა გაზაფხულის დადგომას იმ ცხოველების ფოტონაკრები მიუძღვნა, რომლებიც ამ ულამაზეს დროს ჩვენზე არანაკლებ მოუთმენლად ელიან.
თითოეული ფოტო სითბოთი და სიყვარულით აღსავსეა, რომელიც აუცილებლად ღიმილს მოგგვრით და მეტად მოგანდომებთ გაზაფხულის დადგომას. შეუძლებელია მათი ნახვის შემდეგ კარგ ხასიათზე არ დადგეთ და ეს ყველაფერი გულგრილად გადაათვალიეროთ. ამ ფოტოებში ყველაზე მრისხანე, საშიში და ზოგიერთისთვის საზიზღარი ცხოველიც კი საყვარელია.

იმედია, ფოტოები მოგეწონათ და გაზაფხულის მოსვლამდე ცოტათი მაინც გაგახალისათ და სასიამოვნო განწყობა შეგიქმნათ.