როგორ უნდა გამოიყურებოდეს ქალი 40 წლის შემდეგ, რომ მეგობრებს მოსწონდეთ, ხოლო მამაკაცები თვალს აყოლებდნენ?

შენიშვნა: 40 წელი, პირობითად არის აღებული. არიან ქალბატონები, რომლებიც ამ ასაკში, ბევრად უფრო ახალგაზრდულად გამოიყურებიან და თქვენც თუ მათ კატეგორიას ეკუთვნით, მაშინ ეს რჩევები, თქვენთვის არ არის.

აქ მოცემულია 15 რჩევა, რომელიც დაეხმარება ქალბატონებს (და არა მარტო 40-ს გადაცილებულებს), რომ ყოველთვის უნაკლოდ გამოიყურებოდნენ:

1. უკიდურესობაში ნუ ჩავარდებით

ეს ყველაზე მთავარი წესია, რომელსაც ყველაზე ხშირად არღვევენ ქალები – ვარდებიან უკიდურესობაში. ეს ნიშნავს, რომ ზოგიერთი იცვამს მოკლე ტოპს, მიკი მაუსის გამოსახულებით, ხოლო სხვები – გრძელ ნაცრისფერ ქვედაბოლოებს. იცოდეთ ზომიერება: მოკლე, ბისერით გაწყობილი შორტები, ასაკს ვერ მოგაკლებთ, ხოლო მოხუცებულების ქვედაბოლო, ასაკს მოგიმატებთ. სწორი გადაწყვეტილება – ელეგანტურობაა, კლასიკური სტილი და დეკორის არანაირი ელემენტები.

2. ატარეთ კომფორტური სამოსი

უკვე დროა, დაივიწყოთ ვიწრო ქვედაბოლოები, 12 სანტიმეტრიანი ქუსლები და მოტკეცილი ჯინსები. ატარეთ ის, რაშიც თავს კომფორტულად იგრძნობთ (ეს სპორტული ფორმა არ არის!). ტანსაცმელი არსად არ უნდა გიჭერდეთ და თქვენს მოძრაობას არ უნდა ზღუდავდეს. დაიმახსოვრეთ: სამოსი ფიგურაზე უნდა “იჯდეს".

3. ზუსტად განსაზღვრეთ, რა უნდა გამოაჩინოთ, და რა უნდა დამალოთ

ნორმალურია, რომ თქვენი ფიგურა ისეთი მკვრივი არ არის, როგორც 20 წლის წინ. ამისი არც უნდა შეგეშინდეთ და ამის გამო, არც უნდა დაღონდეთ. უბრალოდ, ისწვვლეთ თქვენი ღირსებების ხაზგასმა და ნაკლის დამალვა. თუ ფეხები გაქვთ ლამაზი, ჩაიცვით ქვედაბოლო მუხლებამდე, ხოლო თუ დეკოლტე გაქვთ უნაკლო, ჩაიცვით ზედა, V-ს ფორმის ჭრილით.

4. ატარეთ პასტელის ტონები

უპირველეს ყოვლისა უნდა გაიგოთ, თუ რომელი ფერები გიხდებათ. მაგ., ღია ცისფერი მომენტალურად გაგაახალგაზრდავებთ და მომხიბვლელს გაგხდით, ხოლო ყვითელი სასტიკად გეგრძალებათ. თუ თქვენი ასაკი 40-დან ძალიან შორს არ წასულა, სტილისტების უმრავლესობის რჩევით, უპირატესობა მიანიჭეთ უფრო ღია ფერებს: კრემისფერი, სპილოს ძვლის ფერი, კაკაოსფერი, თეთრი, ღია ნაცრისფერი.

5. დაივიწყეთ უფორმო სამოსი

აქ ისევ სტილზე ვამახვილებთ თქვენს ყურადღებას. დაივიწყეთ დიდი, უფორმო, პანჩოს ფორმის სამოსი და განიერი შარვლები. შეარჩიეთ ტანსაცმელი მხოლოდ თქვენი ზომის შესაბამისად – ტანზე კარგად მომდგარი, მაგრამ არა მოტკეცილი.

6. ფრთხილად აირჩიეთ პრინტი

არ იფიქროთ რომ 40 წლის შემდეგ, ჭრელი პრინტების ტარება არ შეიძლება, მაგრამ არჩევასაც აქვს თავისი წესები. ყურადღება ისეთ სამოსს მიაქციეთ, რომელზეც ფერები ნაკლებად მკვეთრია და არა ყვირის. ფიგურები შეიძლება იყოს გეომეტრიული, აბსტრაქტული, მაგრამ არ უნდა იყოს ბავშვური. არ უნდა იყოს ასახული, კნუტები, ტუჩები და ა. შ.

7. ფეხსაცმელი უნდა იყოს საშუალო სიმაღლის და მოხერხებული

ნუ იფიქრებთ, რომ ქუსლიანი ფეხსაცმელი თაროზე უნდა შემოდოთ და დროდადრო, განსაკუთრებულ შემთხვევებში, «გაასეირნოთ». ეს არასწორი მიდგომაა. ფეხსაცმელი მაღალი არ უნდა იყოს, მაგრამ არც ბოტასებით უნდა იაროთ. ყველაზე კარგი გამოსავალია, საშუალო სიმაღლის კლასიკური ფეხსაცმელი, ე. წ. “ნავი".

8. შეარჩიეთ საშუალო სიგრძის ქვედაბოლო და კაბა

იდეალური ზომა – მუხლის შუამდეა. ეს ქალურია და ლამაზი. მინი კაბა, მეტისმეტად ვულგარული იქნება, ხოლო გრძელი – არაპრაქტიკული.

9. პალტო უნდა იყოს თეძოზე მომდგარი

შეიძინეთ თეძოზე მომდგარი, ნაზი ფერის პალტო. დაივიწყეთ შავი და რუხი ფერები. პალტოს შეძენისას უნდა იფიქროთ თქვენს გარეგნობაზე და არა იმაზე, თუ რამდენად სწრაფად გაჭუჭყიანდება. უკიდურეს შემთხვევაში, შეგიძლიათ ორი ღია ფერის პალტო შეიძინოთ და გარეცხვის პრობლემაც მოგვარდება. ნათელი ფერის პალტო, განსაკუთრებულ იერს მიანიჭებს თქვენს გარეგნობას.

10. აქსესუარები

თუ სამოსის შერჩევის დროს, კლასიკური სტილის დაცვა არის სავალდებულო, აქსესუარები შეგიძლიათ თქვენი ფანტაზიით შეარჩიოთ, მაგრამ კონტროლს ნუ დაკარგავთ, ზედმეტი არ მოგივიდეთ. ორიგინალობას შეგმატებთ ქუდი, გულსაბნევი ან კაბის შესაფერისი მძივი.

11. ძვირფასეულობით ნუ გაერთობით

კიდევ ერთი უკიდურესობა, რომელშიც 40-ს გადაცილებული ქალები ვარდებიან, ბევრი ძვირფასი სამკაულის ტარება არის, რითაც ისინი, საახალწლო ნაძვის ხეებს ემსგავსებიან. რა თქმა უნდა, ამ ასაკში, ქალს საკმარისი რაოდენობის ძვირფასი ნივთები აქვს, მაგრამ ყველას ერთად “ასხმა" საჭირო არ არის. ერთი ბეჭედი და ძეწკვი, სავსებით საკმარისი იქნება.

12. ატარეთ პატარა მოხდენილი ჩანთები

წარსულს უნდა ჩაბარდეს ზურგჩანთები და ტომარისებური ჩანთები. ატარეთ პატარა ან საშუალო ზომის ჩანთები – ისინი არასდროს გააფუჭებენ თქვენს ელეგანტურ გარეგნობას.

13. იყიდეთ მხოლოდ ხარისხიანი სამოსი

40 წლის ასაკის შემდეგ, ქალმა აღარ უნდა იყიდოს იაფფასიანი, დაბალი ხარისხის ნივთები, რომელიც ერთი გარეცხვის ან ერთი სეზონის შემდეგ დაკარგავს ფერს და ფორმას. ძვირფასი ჩანთა, კარგი პალტო, კლასიკური ფეხსაცმელი – შეარჩიეთ იდეალური ვარიანტი და დატკბით ცხოვრებით რამდენიმე წელი.

14. უბრალოება და ელეგანტურობა

დაივიწყეთ ექსპერიმენტები ახალგაზრდა გოგონების სამოსით. მუდმივი კლასიკა, აი რა არის საჭირო, 40-ს გადაცილებული ლამაზი ქალბატონებისთვის. თეძოზე მომჯდარი შარვალი, კლასიკური პიჯაკი, კარგი ფეხსაცმელი – როგორც ამბობენ, უბრალოდ და გემოვნებით. ასეთი სამოსი მოდიდან არასოდეს გადის.

15. იყავით ყოველთვის მოწესრიგებული

შეუხედავი ქალები არ არსებობენ. არიან მხოლოდ ისინი, ვინც არ უვლის საკუთარ კანს, თმას, ფრჩხილებს, ტანსაცმელს. ამ შემთხვევაში, დროის უკმარისობა, გამამართლებელი საბუთი არ არის. მხედველობაში მიიღეთ და დაიმახსოვრეთ: ქალებო გიყვარდეთ საკუთარი თავი და ეყვარებით ყველას, თქვენს გარემოცვაში!