როგორც წესი, სილამაზე პირველ რიგში ყველასთვის ჯანმრთელობასთან ასოცირდება. ამიტომ, ისეთმა უმნიშვნელო დეტალმა, როგორიც გაგანიერებული ვენები და ზედაპირზე ხილული კაპილაური ქსელია, შეიძლება საკუთარ თავში ყველაზე დარწმუნებული ქალბატონსაც კი გული დასწყვიტოს. მართალია, ეს ყველაფერი შეიძლება უკომფორტობას სულაც არ ქმნიდეს, მაგრამ ესთეტიკურად ნამდვილად არ გამოიყურება.

კანის ზედაპირზე კაპილარული ქსელის გაჩენის მიზეზი ბევრი რამ შეიძლება იყოს: დაწყებული მემკვიდრეობით, წარბი წონით დასრულებული. იგი ასევე შეიძლება ვარიკოზის დაწყებითი სტადიის არსებობაზეც მიანიშნებდეს. საავადმყოფოში ზედაპირულ კაპილარულ ქსელს კოსმეტიკური ეფექტის მისაღწევად სპეციალური ნემსებით ან ლაზერით მკურნალობენ. თუმცა არსებობს ხალხური საშუალებებიც, რომლებიც, როგორც ამბობენ, საკმაოდ ეფექტურია. რაც მთავარია, ისინი არავითარ სირთულეს ან საფრთხეს არ შეიცავს და ნებისმიერ შეუძლია სახლის პირობებში გამოიყენოს.

1. მწვანე პომიდორი

მწვანე პომიდორი შეიცავს აუცილებელ სამკურნალო მჟავებს. გაჭერით პომიდორი და დაიდეთ რბილობი კაპილარულ ქსელზე. დააყოვნეთ 3 წუთი, შემდეგ კი ამ ადგილზე შეიზილეთ ნებისმიერ მკვებავი კრემი. ამ პროცედურის ყოველდღე ჩატარების შემთხვევაში შედეგი უნდა გამოჩნდეს 4 დღის შემდეგ. მისი გაგრძელება კი რეკომენდებულია 10 დღის მანძილზე. მწვანე პომიდორის შეცვლა შეიძლება ახალი კარტოფილითაც, რომელიც იგივე სამკურნალო ნივთიერებებს შეიცავს.


2. ვაშლის ძმარი

კიდევ ერთი ეფექტური საშუალება. შეათბეთ ვაშლის ძმარი ოთახის ტემპერატურამდე, დაისხით ხელისგულზე მცირე რაოდენობით ძმარი და შეიზილეთ იმ ადგილზე, სადაც კაპილარული ქსელი ჩანს, თან გაიკეთეთ რბილი მასაჟი ქვემოდან ზემოთ მიმართულებით 5 წუთის მანძილზე. ამ პროცედურის ყოველდღიურად ჩატარების შემთხვევაში შედეგს მალე იგრძნობთ.