კოსტნიცე: ალბათ ყველას გსმენიათ ჩეხეთის უნიკალური ნაგებობებისა და დახვეწილი არქიტექტურის შესახებ. ეს არის ადგილი, რომელზეც, არც ერთი ტურისტი უარს არ იტყოდა. თუმცა, მოინახულებდა თუ არა ის, ამ ქვეყნის ერთ-ერთ ქალაქ კუტნა-ჰორას, საკითხავია. მანამ, სანამ თქვენს ცნობისმოყვარეობას დავაკმაყოფილებ მოკლედ მოგიყვებით ქალაქის შესახებ. მისი ისტორია 1142 წლიდან იწყება. ამ პერიოდში გამოჩნდა ცისტერიანელთა მონასტრის დასახლებები. წლების შემდეგ, ბოჰეემიის სამეფოს მეფემ ბრძანა, კუტნა-ჰორაში პალესტინიდან წმინდა მიწა ჩამოეტანათ. იმ ადგილას სადაც წმინდა მიწა იყო, ტაძრის მშენებლობას გეგმავდნენ.

თუმცა, მშენებლობა დროებით შეჩერდა. მიზეზი კი, ქალაქში და მთლიანად

აღმოსავლეთ ევროპაში გავრცელებული შავი ჭირი იყო. ამ ავადმყოფობის შედეგად უამრავი ადამიანი გარდაიცვალა. იმდენად ბევრი იყო მათი რიცხვი, რომ ვეღარ ხერხდებოდა მოთავსება. ამიტომ გაუჩნდათ იდეა დაღუპულთა ჩონჩხები ტაძრის მშენებლობაში მოეხმარათ. მშენებლობისათვის იყენებდნენ ჩონჩხის ნებისმიერ ნაწილს. სწორედ აქედან დაიწყო კოსტნიცეს ტაძრის მართლაც გასაკვირი ისტორია. (1703-1711) შემზარავი სანახაობის მიუხედავად ამ ადგილს მრავალი ადამიანი სტუმრობს. ტაძარი ადამიანის თავის ქალებითა და სხვადასხვა ძვლებით არის სავსე.