ოდესმე გიფიქრიათ ბალახისგან ცოცხალი ხალიჩის შექმნაზე? თან უბრალოდ შექმნაზე კი არა, მისი ქალაქის ცხოვრების ნაწილად გადაქცევაზე. ფრანგ მხატვარს, გაელ ვილედარს (Gaëlle Villedary), არა მარტო გაუჩნდა მსგავსი იდეა, არამედ ის განახორციელა კიდეც. ჟოჟაკაში, საფრანგეთის ერთ პატარა სოფელში (არდეშის დეპარტამენტი, რონა-ალპების რეგიონი) ასეთი “ხალიჩა" დააგეს. ცოცხალ ინსტალაციას “Tapis rouge” დაარქვეს. გზის სიგრძე 420 მეტრია და ის პროგრამის, «ხელოვნებისა და ბუნების ბილიკის», 10 წლისთავთან დაკავშირებით იყო შექმნილი.

ლანდშაფტური დიზაინის ამ უჩვეულო ნიმუშს 168 გაზონის ხვეული დასჭირდა, რომლის საერტო მასა, დაახლოებით, 3, 5 ტ. იყო.

ბილიკით თავისუფლად შეიძლება სოფლის ცენტრამდე მისვლა, ხოლო მისი მეორე ბოლო, ულამაზეს ხეობამდე მიდის. ჩანაფიქრის თანახმად, ამ ბილიკმა ადგილობრივი მოსახლეობა ბუნებასთან უფრო მეტად უნდა დააკავშიროს და რეგიონში ტურისტები მიიზიდოს.