ერთ-ერთი მოდური გამომცემლობის რედაქტორებმა ჩაატარეს გამოკითხვა მამაკაცებს შორის და გამოავლინეს, ქალის რომელი ვარცხნილობებია მათთვის ყველაზე მიმზიდველი. გაირკვა, რომ მამაკაცების უმრავლესობას ქალბატონების ის ვარცხნილობები მოსწონთ, რომელთა გაკეთება სუსტი სქესის წარმომადგენლებს სწრაფად და მარტივად შეუძლია.

1. წინ ჩამოგრძელებული ბობ-კარე

ქალის ღია მხრები და ყელი ძლიერი სქესის წარმომადგენლების ყურადღებას იქცევს და თავბრუს ახვევს. ამ ვარცხნილობის მქონე ქალებს მამაკაცები თამამებად და სექსუალურებად თვლიან.

2. შუაზე გაყოფილი სწორი გრძელი თმა

გრძელი თმა ყოველთვის იყო ქალისთვის ერთ-ერთი საამაყო ატრიბუტი. ძლიერი სქესის წარმომადგენლების აზრით, ჯანმრთელი და ძლიერი თმის მქონე ქალბატონი საკმაო ყურადღებას აქცევს საკუთარ ჯანმრთელობას, სწორ კვებას, მისდევს ცხოვრების ჯანსაღ წესს. მაგრამ გოგონებს უნდა ასოვდეთ, რომ გრძელი, გაშლილი თმის ტარებისთვის მთავარი პირობაა თმის ბზინვარება, სიჯანსაღე და მოვლილობა.

3. მსუბუქი დაუდევრობა

მამაკაცებს მოსწონთ, როცა ქალის თმა ოდნავ არის აშლილი, თითქოს მსუბუქმა სიომ დაუბერა. ამგვარი ვარცხნილობის მთავარი პირობაა სუფთა, ბზინვარე და აბრეშუმისებური თმა, წინააღმდეგ შემთხვევაში ეფექტი საწინააღმდეგო იქნება და გოგონა სექსუალურის მაგივრად გაწეწილისა და "ფეთხუმის" შთაბეჭდილებას დატოვებს.

4. ორი ნაწნავი

მამაკაცები აღიარებენ, რომ ორი ნაწნავის მქონე გოგონები მათთვის ნაბოკოვის ცნობილი რომანის პერსონაჟთან ასოცირდებიან და სურვილს უღვიძებენ იზრუნონ თავიანთ "ლოლიტებზე".

5. მკაცრი "ცხენის კუდი"

მაღლა აწეული "კუდი" ჭკვიანი და მომხიბვლავი გოგონას იმიჯს ქმნის. მამაკაცებს მათ დანახვაზე უნებურად სკოლის წლები ახსენდებათ, როცა ამგვარი ვარცხნილობის მქონე ლამაზმანი ყველა ბიჭის ოცნება იყო.

6. სუპერ მოცულობა

ვარცხნილობები, რომლებიც თმას მოცულობას სძენს მამაკაცების უმეტესობას აღაფრთვანებს. ძლიერი სქესის წარმომადგენელტა მტკიცებით, ასეთი ვარცხნილობა ძალიან სექსუალურია.

7. მოკლე ვარცხნილობა

მამაკაცები თვლიან, რომ მოკლე ვარცხნილობის მქონე ქალები თავისუფლები და დამოუკიდებლები არიან, რაც ბევრ კაცს ხიბლავს.

8. კოსა

ქალის მკაცრად შეკრული "კოსა" ძლიერი სქესის წარმომადგენლებს სექსუალური მასწავლებლის შესახებ ფანტაზიებს უღვიძებს. ის კი, როგორც ცნობილია, მამაკაცური ფანტაზიების ერთ-ერთი მთავარი ფიგურაა...

9. კულულები

დახვეული თმა მშვენიერ სქესის წარმომადგენლებს ეხმარება ნაზი რომანტიკული იმიჯის შექმნაში. გაშლილი კულულების მქონე ქალები მამაკაცებს ძალიან ნაზებად და დაუცველებად ეჩვენებათ.