ყველასათვის ცხადია გუშინდელი შემზარავი ამბის შესახებ. ამა წლის 20 დეკემბერს, გამთენიისას დიღმის მასივში, ფერაძის ქუჩაზე საზარელი სურათის მომსწრენი გახდნენ იქაური მაცხოვრებლები. ორსართულიანი საერთო საცხოვრებლის სადარბაზოს წინ მამა-შვილის ცხედარი იპოვეს- 27 წლის, 1988 წელს დაბადებული ომარ ქაფიაშვილისა და 5 წლის ვაჟის-თორნიკესი. სისხლის სამართლის საქმე აღძრულია განზრახმკვლელობის მუხლით და გამოძიება მომხდართან დაკავშირებით ამ დრომდე მიმდინარეობს. დაკავებულია მკვლელობაში ეჭვმიტანილი დაღუპულთა მეუღლე და დედა, 1990 წელს დაბადებული მაგდა პაპიძე.

როგორც ცნობილია 20 დეკემბრის დღის მანძილზე მაგდა შვილთან ერთად იმყოფებოდა დასთან სტუმრად და მისი სახლი ჩვეული რიტმით, ყოველგვარი ეჭვების გარეშე დაუტოვებია, არც საღამოს გაუგიათ მეზობლებს მისი ბინიდან ხმაური და ყვირილი და მათივე განცხადებით, წყვილი რამოდენიმე წელი საერთოსაცხოვრებლის ერთოთახიან ბინაში ცხოვრობდა და კარგი დამოკიდებულება ჰქონდათ ერთმანეთთან, გარდაცვლილ ომარ ქაფიაშვილს კი წყნარ და მშრომელ ბიჭად ახასიათებენ. თუმცა, მიუხედავად ამ ყველაფრისა, გამთენიისას მეზობლებს, ასეთი შოკისმომგვრელი სურათი დახვდათ წინ.

დაზარალებული და ეჭვმიტანილი მაგდა პაპიძე მალევე აიყვანეს. დაკითხვისა და გამოძიების ფონზე აკონილი ინფორმაციის თანახმად პირველ ეტაპზე მან აღიარა დანაშაული, რომ ურთიერთშელაპარაკების ფონზე ბლაგვი საგნის რამოდენიმეჯერ თავში ჩარტყმით ადგილზე მოკლა მეუღლე, ხოლო მამის სიკვდილს შესწრებული 5 წლის თორნიკე შოკირებულ მდგომარეობაში ასთმური შეტევით გაგუდულა, სხვა წყაროებზე დაყრდნობით კი შვილიც დედამ გაგუდა, ხოლო კვალის დაფარვის გამო მან ცხედრები დერეფანში "გაათრია" და სადარბაზოსთან დატოვა თავდასხმის ინსცენირების მიზნით. დღევანდელ დაკითხვაზე მაგდამ უარყო დანაშაული, რომ მას არ მოუკლავს ქმარ-შვილი და გამოძიება ამ დრომდე მიმდინარეობს. გამოძიებამ, საცხოვრებელი სახლის მიმდებარე ურნიდან ამოიღო სისხლიანი ტანსაცმელი და ბლაგვი საგანი, რომლითაც მიეყენა სასიკვდილო ჭრილობები თავის არეში ომარ ქაფიაშვილს.

საქმე აღძრულია და გამოძიება მიმდინარეობს დამამძიმებელ გარემოებაში განზრახ მკვლელობის ფაქტზე - საქართველოს სსკ–ის 109–ე მუხლით, რაც ითვალისწინებს თავისუფლების აღკვეთას 16-დან 20 წლამდე. 26 წლის მაგდა პაპიძეს კი განაჩნს სასამართლო დღეს გამოუტანს, ახალი ცნობები საქმესთან დაკავშირებით მოგვიანებით იქნება ცნობილი და ისიც თუ ვინ არის რეალური მკვლელი.

გთავაზობთ მაგდა პაპიძის ფოტოებს მისი ყოველდღიური ცხოვრებიდან: