ამ ულამაზესი ფოტოების ავტორი გახლავთ სალვიე სანდსბო (Solve Sundsbo), ნორვეგიელი ფოტოგრაფი, რომელმაც შუქ-ჩრდილის ძალიან ლამაზი კომბინაციით შექმნა ულამაზესი ფოტოები და სულ სხვაგვარად წარმოაჩინა ქალის სილამაზე. კოპლებით, ზოლებით, სხვადასხვა, ნაზი თუ კონტრასტული ფერებით გაფორმებული მოდელების ფიგურები თუ პორტრეტები სილამაზის სიმშვიდეს, ზოგან კი ვნებას და ფორიაქს გადმოსცემს.

სოლვიეს ფოტოხელოვნების განსხვავებული სტილი, ორიგინალური გემოვნებით შექმნილი დახვეწილი ხელოვნება სწრაფად გახდა თვალშისაცემი მსოფლიოს სხვადასხვა საგამოფენო სივრცეში.
20 წლის ასაკში მომავალი ფოტოგრაფი ნორვეგიიდან ლონდონში ჩავიდა სასწავლებლად. მისი პროფესიული კარიერა ნიკ ნაიტის ფოტოგრაფიულ სალონში დაიწყო, ბიჭი ნიკის თანაშემწედ მუშაობდა. დღეს კი სანდსბო საკუთარი სტუდიის მფლობელია ლონდონში. ის თანამშრომლობს მსოფლიოს თანამედროვე მხატვრებთან და იღებს ძალიან დიდ შეკვეთებს მსოფლიოს წამყვანი ბრენდებისგან.