სახეზე ნაოჭები ადრე თუ გვიან ყველას უჩნდება, ეს კი თავის მხრივ, მხოლოდ ადამიანის ასაკზე არ მიუთითებს. როგორც სპეციალისტები ამტკიცებენ, ეს დაკავშირებულია სხეულის სხვადასხვა ნაწილთან. შესაბამისად, ნაოჭები, აკნე და სახის კანის სხვა დაავადებები პირდაპირ მეტყველებს ჯანმრთელობის პრობლემებზე. ამის გამო, სტატიაში გთავაზობთ სახის ნაოჭების რუკას და ინფორმაციას იმის შესახებ, თუ რას ნიშნავს თითოეული მათგანი.

ჰორიზონტალურ ხაზებს შუბლზე ხშირად შფოთვის ხაზებსაც უწოდებენ, რადგანაც ეს მიანიშნებს, რომ ადამიანი, არც თუ იშვიათად, სტრესის ქვეშ ექცევა. გარდა ამისა, ეს ხაზები უშუალო კავშირშია კუჭთან. მიუთითებს ჭარბი რაოდენობის შაქარსა და ცხიმზე თქვენს რაციონში და ასევე, წყლის ნაკლებობაზე.

ოდნავ დახრილი ვერტიკალური ხაზი მარჯვენა წარბთან მიანიშნებს ღვიძლის სისუსტეზე. შეზღუდეთ ყავის მიღება, ცხარე და შებოლილი საკვები, ასევე, მარილი და

ალკოჰოლი. კარგი იქნება თუ ექიმს მიმართავთ, რომელიც განსაზღვრავს, თუ რამდენად

სერიოზულია თქვენი პრობლემა, მოგცემთ რეკომენდაციებს მკურნალობასა და სწორ კვებასთან დაკავშირებით.

მაშინ როცა ხაზი– მარჯვენა წარბთან ღვიძლს უკავშირდება, ხაზი –მარცხენა წარბთან უშუალოდ მიუთითებს ელენთასთან დაკავშირებულ პრობლემებზე. თუ ეჭვი გაქვთ, რომ საქმე სერიოზულადაა, სამედიცინო დახმარებას მიმართეთ. თუმცა, თუ არანაირი სიმპტომები არ გაქვთ, რომელიც მეტყველებს ელენთასთან დაკავშირებულ პრობლემაზე, ამ შემთხვევაში იზრუნეთ მის მდგომარეობაზე სწორი კვების მეშვეობით. მხოლოდ დარწმუნდით, რომ მეტისმეტად ბევრ შაქარს არ იღებთ.

ადამიანებს, რომელთაც ცხვირის ძგიდზე მსგავსი ნაოჭი უჩნდებათ, მიდრეკილება აქვთ სეზონური და არასეზონური ალერგიებისადმი. ამასთან, ეს შეიძლება კავშირში იყოს ლიბიდოსთან (სექსუალური აქტივობისკენ სწრაფვა), უფრო სწორედ, მის დაქვეითებასთან.

"ბატის ფეხები" ნაოჭების ყველაზე გავრცელებული ტიპია სახეზე. რა თქმა უნდა, ეს იმას ნიშნავს, რომ თქვენ ხშირად იღიმებით. მეორეს მხრივ, ეს შესაძლოა ცუდ მხედველობაზე მიუთითებდეს. ამასთან, კავშირშია ისეთ ორგანოებთან, როგორიცაა კუჭი, ღვიძლი და თირკმელები.

თუ ჩანთები არ ქრება მიუხედავად იმისა, რომ კარგად გამოიძინეთ, ამ შემთხვევაში, შესაძლოა თირკმელებთან დაკავშირებით გქონდეთ პრობლემები.

მგრძნობიარე კანი ლოყებზე მეტყველებს, საჭმლის მომნელებელ სისტემაში არსებულ დარღვევებზე, წითელი და სხვა ტიპის ლაქები კი მიუთითებს ფილტვებთან დაკავშირებულ პრობლემებზე. ფილტვებისთვის სასარგებლოა სუნთქვითი და ფიზიკური ვარჯიშები. ამასთან, თუ გიჭირთ სუნთქვა, აუცილებელია ექიმთან გაიაროთ

კონსულტაცია.

ცხვირის წვერის სიწითლე შესაძლოა კავშირში იყოს გულთან დაკავშირებულ პრობლემებთან და სისხლის ცირკულაციის დარღვევასთან, მაღალ არტერიულ წნევასთან. ამიტომ, არ დაიზაროთ – გაიზომეთ წნევა ყოველდღიურად, საჭიროების შემთხვევაში კი მიმართეთ ექიმს.

სახის ეს ზონა კავშირშია მსხვილ ნაწლავთან. ამიტომ, თუ ნაოჭები ჩნდება ზუსტად ამ ადგილზე, იზრუნეთ იმაზე, რომ მიიღოთ საკმარისი რაოდენობის სითხე, D ვიტამინი და რა თქმა უნდა, ივარჯიშეთ.

ეს ნაკეცები იმაზე მეტყველებს, რომ სიცილი გიყვართ. თუმცა, ეს იმასაც ნიშნავს, რომ პანკრეასს (კუჭქვეშა ჯირკვალი) უნდა მიაქცეს სათანადო ყურადღება.

ვერტიკალური ხაზები ტუჩის ზემოთ ყველას არ უჩნდება. ასეთი ტიპის ნაოჭები ხშირ შემთხვევაში მწეველებს აქვთ. ამას გარდა, სახის ეს ნაწილი კავშირშია ელენთასთან.

იმას, თუ რატომ ჩნდება ლაქები ტუჩებზე, რამდენიმე ახსნა აქვს. უპირველეს ყოვლისა, ეს გამოწვეულია სისხლის ცუდი მიმოქცევით, ამ შემთხვევაში, საუკეთესო გადაწყვეტილებაა ფიზიკური ვარჯიში და იოგა. მეორე მიზეზია მსხვილ ნაწლავთან დაკავშირებული პრობლემები. ამ შემთხვევაში უნდა მიმართოთ სპეციალისტს.

კისრის მიდამოში არსებული ნაოჭები, რომელიც ვიზუალურად მეორე ნიკაპის არსებობის შთაბეჭდილებას ქმნის, შესაძლოა მიუთითებდეს ფარისებურ ჯირკვალთან დაკავშირებულ პრობლემაზე.

ამგვარი რკალის არსებობა თვალის მიდამოში მეტყველებს ორგანიზმში ქოლესტერინის მაღალ დონეზე.

ამოწეული ვენები საფეთქლის ზონაში მაღალ არტერიულ წნევაზე მიუთითებს. ეს სერიოზული პრობლემაა, ამის გამო აუცილებელია, რეგულარულად გაიზომოთ წნევა და საჭიროების შემთხვევაში მიმართოთ ექიმს.

სახეზე ამგვარი ნაოჭი მიანიშნებს იმაზე, რომ ადამიანი უარყოფითი ემოციებითაა დატვირთული. აუცილებელია გათავისუფლდეთ მათგან, შემდგომში ნეგატიურად რომ არ აისახოს თქვენი ჯანმრთელობის მდგომარეობაზე.