მასალა ცომისთვის:

ფქვილი – 500 – 600 გრ.

მარგარინი – 200 გრ.
სწრაფად მომქმედი მშრალი საფუარი – 20 გრ.
თბილი წყალი – 200 მლ.
ვანილინი – 1 გრ.
მარილი – 1 მწიკვი
შაქრის ფხვნილი – გემოვნებით

გადასასმელად:

კვერცხის გული და 0, 5 გრ. ვანილინი

მასალა გულსართისთვის:

ჯემი, მურაბა, “ნუტელა” ან მოხარშული შესქელებული რძე – 2 ჭიქა.
ფქვილი – 3 ს. კ.
შაქარის ფხვნილი – საჭიროების შემთხვევაში

მომზადება:

1. საფუარს დაასხით თბილი წყალი და შეურიეთ ერთმანეთს.

2. შემდეგ ეტაპზე, მიღებულ მასას, თანმიმდევრობით შეურიეთ: მარგარინი, მარილი, შაქარი, ვანილინი და ფქვილი. ყოველი ინგრედიენტის დამატების შემდეგ, კარგად შეურიეთ.
3. მოზილეთ ცომი და დადგით თასი თბილ ადგილზე 20 წთ-ით.
4. მოამზადეთ გულსართი: ძირითად ინგრედიენტს დაამატეთ ფქვილი და თუ საჭიროდ ჩათვლით, შაქარი.

5. გააბრტყელეთ ცომი და დაყავიატ სამკუთხედებად. ქვემოთ მოცემულია კრუასანის გადახვევის ერთ-ერთი ვარიანტი.

6. დააწყეთ კრუასანები ცხიმწასმულ და ფქვილმოყრილ საცხობ ფირფიტაზე > გადაუსვით ცოტა წყალში ათქვეფილი ვანილინიანი კვერცხის გული > გამოაცხეთ 180 გრადუსზე, წინასწარ გახურებულ ღუმელში.