დაბალძირიანი ფეხსაცმელი, ე.წ "ბალეტკა" რამოდენიმე წელია მყარად იკავებს მოდური ქალბატონების გარდერობში წამყვან და საპატიო ადგილს. დამეთანხმებით ალბათ, რომ ფეხსაცმლის ეს კატეგორია, ძალზე მოსახერხებელი რამაა, მისი ტარება შეიძლება თითქმის ყველანაირი სტილის სამოსზე: ჯინსებზე, ლოსინებზე, მოკლე კაბებზე, ნაჭრის ბრიჯსა თუ შორტზე.. უფრო მეტიც, ლამაზ, გამოსასვლელ კაბასაც წარმატებით უხამებენ მას, მით უმეტეს თუ თქვენი "ბალეტკა" მძივებით, ბისერებით ან მკვეთრი ფერის ლამაზი ნაქარგებითაა აქცენტირებული, მისი ჩაცმა ნებისმიერ საპასუხისმგებლო ევენთზეა მიზანშეწონილი. თუმცა არამარტო საქართველოში უყვართ "ბალეტკები" მოდურ გოგონებს, მათ მიმართ დიდი სიყვარულით ბევრი სელებრითი გამოირჩევა უცხოეთშიც. მაგალითად ჯესიკა ალბა, კეტი ჰოლმსი, რიზ ვიზერსპუნი, ევა ლონგორია, ჯენიფერ გარნერი და სხვები. თქმა არ უნდა, მსგავსი ტიპის კომფორტული ფეხსაცმელით ხომ ნებისმიერი, "დაძაბულრეჟიმიანი" დღის გატარება შეიძლება კომფორტულად. ამიტომ გასაკვირი არაა, რომ ბალეტკა ჯერჯერობით არც ერთ ფეხსაცმელს არ უთმობს თავის საპატიო ადგილს მოდური ქალის გარდერობში. კაცმა რომ თქვას რომელმა ფეხსაცმელმა უნდა ჩაანაცვლოს იგი? აბა დაფიქრდით "ბალეტკომანებო" ამ საკითხზე :))