"სიმარჯვესა და მუშაობაში სიბეჯითეს საბაზრო ფასი აქვს; გონებამახვილობას, ცხოველ ფანტაზიასა და გუნება-გახსნილობას-სამოყვარულო ფასი, ხოლო სიტყვის ერთგულებას, პრინციპებიდან (და არა ინსტიქტიდან) გამომდინარე კეთილმოსურნეობას-შინაგანი ღირებულება. ვერც ბუნებაში და ვერც ხელოვნებაში ვერ ვიპოვით ისეთ რასმეს, რითაც ისინი შეცვლიან ამ უკანასკნელთ მათი უქონლობის შემთხვევაში, რადგან მათი ღირებულება მდგომარეობს არა იმ შედეგებში, რაც მათგან გამომდინარეობს, არა იმ მოგებასა და სარგებელში, რაც მათ მოაქვთ, არამედ-ზრახვებში, ე.ი. ნების მაქსიმებში, რომლებიც მზად არიან ქმედებებში ამ სახით გამოვლინდნენ, თუნდაც ამ ზრახვებს წილად არ ჰხვდეს არავითარი წარმატება."