ფლორიდაში ხელისუფლებამ კონპესაცია გადაუხადა 600 000 დოლარის ოდენობით დაღუპული მოზარდების ოჯახებს, რომელბმაც თავი მოიკლეს სკოლის დირექტორის ჰიპნოზური სეანსის შემდეგ.

რამდენიმე წლის შემდეგ სკოლის დირექტორმა ჯორჯ კენიმ აღიარა, რომ ნორტ პორტის სკოლის უფროსკლასელებმა თავი მოიკლეს მის მიერ განხორციელებული ჰიპნოზური სეანსის შემდეგ.

გამოძიებამ დაადგინა, რომ კენიმ საერთო ჯამში 75 -ჯერ გაუკეთა ჰიპნოზი სკოლის მოსწავლეებს და თანამშრომლებს სკოლის დირექტორად მუშაობის პერიოდში.

ფეხბურთელი, 16 წლის მარკუს ფრიმანი აგრეთვე იყო დირექტორის "პაციენტი".2011 წელს მარკუსმა მოულოდნელად გადაუხვია გზიდან და ჯებირს შეასკდა.მასთან ერთად მყოფი მეგობარი გოგონა გადარჩა, თვითონ დაიღუპა.

17 წლის ბრიტანი პალუმბოსაც დირექტორმა ჰიპნოზი გაუკეთა, რადგან გოგონას უნდოდა წარმატებით ჩაებარებინა გამოსაშვები გამოცდები, აგრეთვე უესლი მაკკინლისაც იმედი ჰქონდა წარმატებით ჩააბარებდა შესარჩევ გამოცდებს ჯილიარდის ხელოვნების სკოლაში.

ორივე მოზარდმა რამდენიმე დღეში თავი ჩამოიხრჩო.

ერთ-ერთმა სკოლის კალათბურთის მოთამაშემ აღიარა, რომ ჯერჯ კენიმ 30-40-ჯერ მაინც გაუკეთა ჰიპნოზი იმისთვის, რომ კარგად კონცეტრირებული ყოფილიყო თამაშის დროს.

დირექტორი 2012 წელს განთავისუფლდა სკოლიდან, აღიარა რომ მოწაფეებს ჰიპნოზს უკეთებდა, ამჟამად იგი ჩრდილოეთ კაროლინაში ცხოვრობს.

ამავე წელს აღიძრა მასზე სისხლის სამართლის საქმე, თუმცა ციხეს გადაურჩა.

დაღუპული მოზარდების მშობლები და ახლობლები იმით მაინც არიან კმაყოფილები, რომ ამის შემდეგ იგი აღარავის დააჰიპნოზებს.