ჰლოიმ გადაწყვიტა ქალიშვილი გადაერჩინა, მაგრამ ამით ის საფრთხეს უქმნიდა ვაჟიშვილების და საკუთარ სიცოცხლეს.

3 ივლისს, ფეხმძიმობის 28 კვირაზე, ავსტრალიელმა ჰოლი დანსტანმა 3 ტყუპი გააჩინა. ის ბუნებრივი გზით დაფეხმძიმდა და ორი ვაჟის და ქალიშვილის დაბადების მოლოდინში იყო. ფეხმძიმობის მე-7-თვეზე იყო, როდესაც შეატყობინეს, რომ მისი გოგონა დაავადებული და სასიკვდილოდ განწირული იყო. ქალი რთული არჩევანის წინაშე დადგა: ან ფეხმძიმობა უნდა გაეგრძელებინა და ქალიშვილი დაეკარგა, რომელიც ჟანგბადის ნაკლებობას განიცდიდა, ან მშობიარობა დაეჩქარებინა.

მშობიარობის დაჩქარების შემთხვევაში, ის სამივე ბავშვს და საკუთარ თავსაც საფრთხეს შეუქმნიდა. ჰლოიმ გადაწყვეტილება მიიღო და 3 ბავშვი გააჩინა - ჰენტი, რუფუსი და პელი. მიუხედავად იმისა, რომ თავიდან ბავშვებს ჯანმრთელობის სერიოზული პრობლემები ჰქონდათ, დაბადებიდან 11 კვირის შემდეგ, სრულიად ჯანმრთელებმა, მშობლებთან ერთად, დატოვეს საავადმყოფო.

ვიდრე გადაწყვეტილებას მიიღებდა, ქალი თავს დამნაშავედ გრძნობდა, რომ ერთი შვილის გამო, დანარჩენ ორს, რომლებიც კარგად ვითარდებოდნენ, საფრთხეს შეუქმნიდა. მაგრამ ის აზრი, რომ შეეძლო ქალიშვილი დაეკარგა, მოსვენებას არ აძლევდა.

პატარები გადარჩნენ, მაგრამ ისინი იმდენად სუსტები იყვნენ, რომ სისხლის გადასხმა დასჭირდათ. გოგონას ძვლების მეტაბოლური დაავადება ჰქონდა, მაგრამ ეს პრობლემა მედიკამენტური ჩარევით მოგვარდა.