1921 წლის 26 ივნისს, კომუნისტთა კავკასიის ბიუროზე დაისვა საკითხი იმის შესახებ, თუ ვის ეკუთვნოდა ზაქათალა (საინგილო) და ყარაიაზის ველი. მიუხედავად იმისა, რომ აზერბაიჯანმა ისინი საქართველოს ტერიტორიად აღიარა, 27 ივნისს, კავბიურომ ეს ტერიტორიები აზერბაიჯანს გადასცა, რაშიც ლომის წვლილი სერგო ორჯონიკიძემ და იოსებ სტალინმა შეიტანეს.
1921 წლის 7 ივლისს, იმავე კომისიამ, ისევ და ისევ სტალინისა და ორჯონიკიძის აქტიური ჩარევით, ლორე გადასცა სომხეთს. ქართველთა პროტესტზე კი ორჯონიკიძემ მუქარით უპასუხა:
მისი თქმით, თუ ქართველები ენას არ გააჩერებდნენ, ავლაბარში გადმოიტანდა საზღვარს.
ამგვარად ქართველთა
მიწა, რომლის დაცვასაც არაერთი თაობა შეეწირა, კომუნისტებმა ორ კვირაზე ნაკლებ დროში უცერემონიოდ გაასხვისეს.