როგორც ამბობენ თვალები ადამიანის სულის სარკეაო, თურმე ირკვევა რომ ადამიანის ენა კი ორგანიზმის სარკე ყოფილა, თუკი ორგანიზმში ყველაფერი რიგზე არაა ეს აუცილებლად აისახება ენაზე, მაგალითად ჯანმრთელ ადამიანს ენა ვარდისფერი და გლუვი აქვს.

ჯანმრთელი ენა

ფერი თანაბრად ვარდისფერია და ენა გლუვია. ეს იმის ნიშანია რომ ორგანიზმში ყველაფერი კარგად მიმდინარეობს და თქვენ ჯანმრთელი ხართ.

მსუბუქუ თეთრი ნადები

ასეთი ენა კუჭნაწლავის ტრაქტის და ღვიძლის პრობლემებზე მიუთითებს, მაგრამ უფრო რომ დარწმუნდეთ რაიმე სერიოზული ხომ არ არის აუცილებლად მიმართეთ ექიმს.

მკვეთრი თეთრი ნადები

თუკი ნადები გაცილებით მეტია ვიდრე წინა შემთხვევაში ეს იმის მანიშნებელია რომ რომელიღაც ორგანო ვერ ასრულებს თავის ფუნქციას. ზოგიერთ შემთხვევაში კი ასეთი ენა ინფექციის მანიშნებელია.

ყვითელი ნადები

ყვითელი ნადები გვანიშნებს ღვიძლის ან ნაღვლის ბუშტის დაავადებების შესახებ. აგრეთვე ყაბზობის და მოუნელებლობის დროს შეიძლება იჩინოს თავი ყვითელმა ნადებმა.

ღარებით დაფარული და არათანაბრად ვარდისფერი ენა

ე.წ. "გეოგრაფიული ენა" კუჭნაწლავის დაავადებების მანიშნებელია. თუკი ენაზე ღარები ღრმადაა, ეს შაქრის მომატებულ დონეს აღნიშნავს სისხლში. აუცილებლად ეწვიეთ ექიმს.

ფერმკრთალი ენა

ფერმკრთალი ენა კუჭნაწლავის მოუნელებლობამ იცის, ამ დროს ადამიანს აღენიშნება ხელების და ფეხების გაციება, დაღლილობა და მუცლის შებერილობა.

მაგრამ მეტისმეტად ფერმკრთალი ენა მიუთითებს სისხლის ნაკლებობაზე, რა დროსაც ადამიანს აღენიშნება დაღლილობა, მეხსიერების დაქვეითება და თავბრუსხვევა.

მკვეთრად წითელი ენა

მკვეთრად წითელი ფერი ენაზე ხშირ შემთხვევაში ორგანიზმში ინფექციის მაუწყებელია, წითელი წერტილები კი ტემპერატურის მატებას ან ანთებით პროცესზე მიგვანიშნებს.

ენა წითელი წვერით

ენის წვერი თავის მხრივ გულის ინდიკატორია, თუკი ენის წვერი გაწითლდა იმ შემთხვევაში როცა არაფერი გაწუხებთ ეს იმის მანიშნებელია რომ რაღაცაზე ღელავთ.

ენა რომლის გვერდებიც წითელია

ენის დასიება და გვერდების გაწითლება ძირითადად დიდი რაოდენობის არსებობამ იცის ორგანიზმში

იისფერი ენა

ასეთი ენა ძირითადად ვიტამინი B-ს ნაკლებობას მიგვითითებს ორგანიზმში, შეიძლება ასეთი ენა ჰქონდეთ ქალებს რომელთაც თვიური ციკლი აქვსთ არეული.

მოლურჯო ენა

ლურჯი ენა სერიოზული ნიშანია, ეს იმის მაუწყებელია რომ ორგანიზმი იღებს ნაკლებ ჟანგბადს . აგრეთვე შეიძლება იგი გულ-სისხლ-ძარღვთა დაავადებაზე მიგვითითებდეს .

ყვითელი ენა

თუკი სიყვითლე დიდხანს არ გადის ეს ნაღვლის ბუშტის და ღვიძლის დაავადებების მანიშნებელია.

მწვანე ენა

მწვანე ფერი ენაზე შეიძლება გამოიწვიოს ძლიერმა მოწამვლამ, მათ შორის ალკოჰოლითაც.