საქართველოს პრემიერ-მინისტრის ადმინისტრაციის წევრი ბექა მჭედლიშვილი იმ ექსპერტთა მოსაზრებებს ეხმაურება, რომლებიც აცხადებენ, რომ საქართველოს მოქმედი პრემიერ-მინისტრი ირაკლი ღარიბაშვილი მთავრობის მეთაური მალე აღარ იქნება. ამასთან დაკავშირებით მჭედლიშვილი სოციალურ ქსელში პოსტს აქვეყნებს, რომელსაც უცვლელად გთავაზობთ:

“ძალიან სასაცილოები არიან ის ე.წ ექსპერტები რომლებიც უკვე ორი წელია გაიძახიან რომ ღარიბაშვილი მალე აღარ იქნება პრემიერი . საინტერესოა მათი საზომით რამდენია ეს მალე … ისე კი, ღარიბაშვილს არ აქვს ამბიცია მთელი ცხოვრება იყოს საქართველოს სათავეში და თუ საქართველოს მოსახლეობა ქართულ ოცნებას ხმას არ მისცემს არჩევნებზე შესაბამისად ირაკლი ღარიბაშვილიც არ იქნება თანამდებობაზე . მაგრამ არ მგონია ეს ოცნება აგიხდეთ 2016 წლის არჩევნებზე, სასახლეში წამომჯდარ მარგველასთან დაახლოებულო ე.წ ექსპერტებო, ვანო მაჭავარიანის თამადობით”, – წერს მჭედლიშვილი.