ბრაზილიაში ევანგელისტურ ქრისტიანთა ჯგუფმა გახსნა ახალი სოციალური ქსელი მორწმუნეთათვის "Facegloria', სადაც მთლიანად აკრძალულია ეროტიკული მასალების გამოქვეყნება და ლანძღვა-გინება(რაც უხვადაა "ფეისბუქში").

სოციალური ქსელი რამდენიმე დღის წინ შეიქმნა, თუმცა როგორც შემქმნელები ირწმუნებიან უკვე 100 000 ადამიანი დარეგისტრირდა ქსელში.

" Facebook-ზე შეგიძლიათ ნახოთ მრავალი ძალადობის და პორნოგრაფიას სცენები, ამიტომ ჩვენ შევქმენით სოციალური ქსელი, სადაც შეგვიძლია ვისაუბროთ ღმერთზე, სიყვარულზე"-განაცხადა საიტის ერთ-ერთ შემქმნელმა, ვებ-დიზაინერმა ატილა ბაროშმა.

ბრაზილიური Facegloria ჯერჯერობით მხოლოდ პორტუგალიურ ენაზეა, თუმცა მომავალში საიტის შემქმნელები სხვა ენაზე გადასვლასაც გეგმავენ.

მსგავსი სოციალური ქსელი 2013 წელს შეიქმნა მორწმუნე მუსულმანებისთვის-"Ummaland", რომელსაც 329 000 მომხმარებელი ჰყავს.