სალონის მეპატრონე ამტკიცებს, რომ კლიენტებს ინტიმურ მაომსახურეობას არ უწევდნენ.

მოსკოვის ცენტრში ფუნქციონირებს სალონი, სადაც კლიენტებს დედიშობილა მოდელის გარეგნობის ახალგაზრდა ქალები ემსახურებიან.

პიკანტური სალონის მფლობელი აცხადებს, რომ მისი თანამშრომლები მხოლოდ გაკრეჭვით და მანიკურით არიან დაკავებულები და სხვა არაფერი.

"მე ჩემს ყველა თანამშრომელს ვუხსნი, რომ ეს არის თეატრი, -აქ მოსული მამაკაცების 90% მოდის იმის გულისთვის, რომ ისაუბროს, პირველ რიგში ეს ფსიქოლოგიური მომენტია-აცხადებს სალონის მფლობელი მაქსიმ ლიადოვი.

ამასობაში კი მოსკოვის პოლიცია დაინტერესდა სალონით მას შემდეგ, როდესაც საჩივრით მიმართა სამართალდამცავებს აუტიზმით დაავადებული ბავშვების რეაბილიტაციის ცენტრმა, რომელიც იმავე შენობაშია განთავსებული.

მალე გამოაშკარავდა, რომ ეს არა მარტო სალონი, არამედ საროსკიპოც იყო.

"როდესაც მივედი ამ სალონში სამუშაოზე მოსაწყობად როგორც სტილისტი, განმიმარტეს, რომ თმის გაკრეჭვის გარდა, უნდა მეცეკვა და ამასთანავე ინტიმური მომსახურეობა გამეწია კლინტებისთვის, ამისთვის მხად არ ვიყავი და ამიტომ უარი ვთქვი"-განუცხადა ერთ-ერთმა პარიკმახერმა, სახელად კამილამ ჟურნალისტებს.

სამართალდამცავებმა დაადგინეს, რომ სტილისტები დამატებით ინტიმურ მომსახურეობაში 100 ევროს იღებდნენ.

ამჟამად პოლიცია დამატებით ფაქტებს იკვლევს და არაა გამორიცხული დაკეტოს სალონი და პასუხისგებაში მისცეს მეპატრონე, თუმცა თვითონ სალონის მფლობელი მაქსიმ ლიადოვი აქეთ იმუქრება სასამართლოთი.