საბუნებისმეტყველო ბრძოლა ცივილიზაციებს შორის, ანუ ვინ ვართ და საიდან მოვდივართ (ნაწილი III - პირამიდების რეალური დანიშნულება) 2015, 13 ივნისი, 20:37 (გაგრძელება) ეგვიპტის გარდა, პირამიდები დედამიწის სხვადასხვა რეგიონებშიც არის აშენებული. მათი მდებარეობა ზუსტად ემთხვევა ნეოლითის ხანის მიწადმოქმედების ცენტრებს.
მიუხედავად იმისა, რომ პირამიდები ერთმანეთისგან გარეგნულად განსხვავდებიან, მეცნიერები თვლიან, რომ ყველა პირამიდა ერთი და იმავე დროის მონაკვეთში და ერთნაირი ტექნოლოგიით არის აშენებული. 
დღეს, ეგვიპტის პირამიდები ფარაონების განსასვენებლად ითვლება, მაგრამ ისინი, სულ სხვა დანიშნულებით ააშენეს. პირამიდა, იმ პერიოდში, ელექტრო სადგურის ფუნქციას ასრულებდა. ყველა პირამიდა ძლიერი მაგნიტური ველის ზონაში არის აშენებული. შიდა კედლები დოლომიტიანი კირქვით არის ამოყვანილი. ამ სახის კირქვა, 4-დან 17 %-მდე მაგნიუმის ოქსიდს შეიცავს და ელ. დენს კარგად ატარებს, ხოლო პირამიდის გარეთა კედლები, სუფთა კირქვით არის აშენებული და დენს საერთოდ არ ატარებს. ამრიგად, პირამიდის შიგნითა კედელი სადენის ფუნქციას ასრულება, ხოლო გარეთა - იზოლაციის. ყველა პირამიდის თავზე დიდი კრისტალი იყო დამაგრებული, რომელიც მზისა და ვარსკვლავების სხივების აკუმულაციას ახდენდა და დედამიწის მაგნიტურ ველთან ერთად, სხივურ ენერგიას, ელექტრო ენერგიად გარდაქმნიდა. ასე წარმოიქმნებოდა პირამიდის შიგნით ელექტრო-მაგნიტური ტალღები. ერთადერთი პირამიდა, რომელიც სრული სახით არის შემორჩენილი, ჩინეთში მდებარეობს და თეთრი პირამიდის სახელით არის ცნობილი. 
დღეს, ეგვიბტის პირამიდების თავზე, კრისტალები აღარ არის, მაგრამ შიგნით მაინც ძლიერი მაგნიტური ფონია. ამის გამო, პირამიდების თავზე ფრენა აკრძალულია, რადგან დიდია თვითფრინავის ჩამოვარდნის აღბათობა. იმის მტკიცებულებად, რომ პირამიდების შიგნით ელექტრო დენი იყო, ისიც გამოდგება, რომ არსად ჩანს ზეთის წვის კვალი და შიდა კედლებზე ნათურები არის დახატული. პირამიდები, რომ ელექტრო ენერგიის გამოსამუშავებლად შენდებოდა გასაგებია, მაგრამ რისთვის იყო საჭირო ეს ენერგია? ძველი ბერძენი ფილოსოფოსის, პლატონის მტკიცებით, ჰერკულესის სვეტების გადაღმა (იგულისხმება გიბრალტარის სრუტე), ატლანტის ოკეანეში, წარღვნამდე, კიდევ ერთი კონტინენტი არსებობდა, რომელზეც მაღალგანვითარებული ცივილიზაციის წარმომადგენლები, ატლანტები ცხოვრობდნენ. მათ ნავებისა და გემების გარდა, სხვადასხვა სახის საფრენი აპარატებიც ჰქონდათ და მთელ პლანეტაზე დაპყრობით ომებს აწარმოებდნენ. სავარაუდოდ, სწორედ ამ საფრენი აპარატებისთვის იყო საჭირო პირამიდებში გამომუშავებული ელექტრო ენერგია.  ერგვიპტეში, დენდერის ჰატჰორის ტაძრის გარე კედელზე, იეროგლიფებთან ერთად, ამოტვიფრულია მფრინავი ობიექტების ფორმის ფიგურები, რაც პლატონის სიტყვების მტკიცებულებად შეგვიძლია გამოვიყენოთ. 
(გაგრძელება იქნება) 1305 13-ს მოსწონს |
  |
Intermedia.ge © 2011-2024 წელი
საავტორო უფლებები დაცულია
 |
როგორც მახსოვს მფრინავ აპარატებს ვიმანები ერქვა..
(აქ სურათს ვერ ავტვირთავ?)