აი, კიდევ ერთი სასწავლო წელი დასასრულს უახლოვდება და იწყება მზადება ისეთი არც თუ ისე სასიამოვნო მომენტისთვის, როგორიცაა გამოცდები... ამიტომ, მოსწავლეებო, სტუდენტებო, ან თუნდაც მასწავლებლებო, გუნება-განწყობა ცოტათი მაინც რომ გამოგიკეთოდ, გთავაზობთ სახალისო ჩანახატებს, იმის შესახებ, თუ როგორი იქნებოდა გამომცდელების ადგილზე ყველასათვის ცნობილი მწერლები რომ ყოფილიყვნენ...


სოკრატე: "მე ვიცი, რომ თქვენ არაფერი არ იცით!"

ჰომეროსი: "გამოცდისთვის მზად ხართ?" - "დიახ" - "დავიწყოთ გემების ჩამონათვალით".

ალექსანდრე დიუმა (მამა): "გამოცდისთვის მოემზადეთ?“– "დიახ" – "მაშ დაიცავით თავი, ბატონო!".

შექსპირი: "გამოცდისთვის მოემზადეთ?" – "დიახ" – "თუ არ მოემზადეთ?"

გაბრიელ გარსია მარკესი: "გამოცდისთვის მოემზადეთ?" – „დიახ“ – „თქვენ ნამდვილი გმირი ხართ! მოგვიყევით თქვენი ოჯახის სშსახებ...“

ილფი და პეტროვი: „ამხანაგო სტუდენტებო (მოსწავლეებო)! თქვენი საგამოცდო ბილეთები ჩაკერილია სკამებში, რომლებზეც ზიხართ!“

ლერმონტოვი: „მზად ხართ დაიცვათ თქვენი პასუხი, ჩემო ბატონო?“ – „დიახ“ – „მაშ განაგრძეთ..."

ალექსანდრე ბლოკი: „ისწავლეთ ბილეთები?“ – „დიახ“ – „ყოჩაღ, წმინდად სიმბოლურად, გიწერთ ხუთიანს“.

ჩეხოვი: “გამოცდისთვის მოემზადეთ?“ – „არა“ – „ ვნახოთ რამდენად გულმხურვალედ ევედრეთ უფალს“.

ჯეიმს ჯოისი: „ბოლომდე ჩაიკითხეთ – „არა“ - ახლა ჩაიკითხეთ?“ – „დიახ“ – „შენიშვნა?“ – „შემიბრალეთ...“

არტურ კონან დოილი: „თქვენი თვალების ქვეშ გაჩენილი მუქი ზოლების მიზედვით თუ ვიმსჯელებთ, მეცადინეობდით... მაგრამ მენთოლის საღეჭი რეზინი
და არარსებობა საათისა, რომელსაც ყოველთვის ატარებდით და ახლაც ჩვეულებრისამებს ეძებთ მაჯაზე - მაფიქრებინებს, რომ ღამე თქვენს საწოლში არ გაგიტარებიათ. ხოლო ის, თუ როგორ აწვალებთ ჩანთის შესაკრავს და იქნევთ კალამს, მარწმუნებს, რომ მზად არ ხართ.“

შარლ ბოდლერი: „გამოცდისთვის მოემზადეთ? – „არა. ლექსებს
ვწერდით, ღვინოს ვსვამდი და ერთმანეთი გვიყვარდა“ – „ცუდი არ არის, მაგრამ ყველაფერი მაინც ფერფლია, მხოლოდ ფერფლი...“

ზიგმუნდ ფროიდი: „გამოცდისთვის ემზადებოდით თუ გეძინათ?“ – „ვემზადებოდი“ – „ჰოდა მაშინ ამ ანტიმეცნიერული ერესით იუნგთან მიბრძანდით“.

მაიაკოვსკი: „მოემზადე?“ – „არა“ – „შესანიშნავია! აბა ყველაფერი ამოალაგე შარვლის ტოტებიდან!“

ჯოან როულინგი: „რატომ გაქვთ თვალი ჩალურჯებული?“ – „გოგონას ვიცავდი მოძალადეებისგან“ – „ხუთიანს გიწერთ! ყველას!

ოსკარ უაილდი: „გამოცდა... თავისთავად რა არის გამოცდა? ეს არის ის, როცა სულელები შეკითხვებს სვამენ, რომლებზეც ჭკვიან ადამიანებს არაფერი აქვთ საპასუხო.“

რემარკი: არაფერს კითხულობს - ყველაფერს ხვდება. უსიტყვოდ სვამს კალვადოსს და მიდის მეძავებთან.

მარკ ტვენი: „შემახსენეთ, თქვენ მოგიყევით მისისიპიზე მომხდარი სახალისო ამბავი?“

ეგზიუპერი: „გამოცდისთვის მზად გართ?“ – „დიახ, წავიკითხე სახელმძღვანელო“ – „იცით, ყველაზე მთავარს თვალით ვერ დაინახავთ...მობრძანდით გადაბარებაზე“.

ბულგაკოვი: „მოემზადეთ?“ – „დიახ, მგონი“ – „გჯერათ რომ ჩააბარებთ?“ – „ისე რა...“ – „ორიანი. ყველა საკუთარი რწმენის მიხედვით იღებს“.

დოსტოევსკი: „გამოცდისთვის მოემზადეთ?“ – „დიახ“ - "და
არ დაფიქრებულხართ, რომ სახელმძღვანელო თქვენთვის ახალი ცოდნის ბოროტი ძალის როლში გამოდის: რაც მეტად სწავლობთ მას, მით მეტად გართმევთ თავისუფლებას, გაიძულებთ შიშისგან იკანკალოთ ყოველ ჯერზე, როცა მასში ჩაწერილისგან განსხვავებულად აზროვნება მოგინდებათ?“