მილანის "ინტერისა" და ჰოლანდიის ნაკრების ნახევარმცველი ვესლი სნეიდერი მზადაა "ინტერი" დატოვოს, თუმცა, როგორც ჩანს, შორს წასვლას არ აპირებს, goal.com-ის ცნობით ჰოლანდიელს "ინტერის" მოსისხლე მტრის თანაქალაქელი "მილანის" რიგებში სურს თამაში. ამ სურვილის ერთ-ერთი მიზეზი "მილანის' განელი ნახევარმცველი კევინ პრინს ბოატენგი ყოფილა, რომელიც ვესლის მეგობარია, გარდა ამისა სნეიდერის ალბათ "ინტერის" დღევანდელი მდგომარეობა არ აკმაყოფილებს და უფრო ძლიერ გუნდში სურს კარიერის გაგრძელება. ამ ტრანსფერის განხორციელება "მილანისთვის" საკმაოდ რთული იქნება, რადგან ჰოლანდიელი, საკმაოდ ძვირი 25 მილიონი ევრო, ღირს, ამასთან "ინტერის" ხელმძღვანელობა ყველანაირად შეეცდება იგი თავის ტრადიციულ მეტოქეს არ დაუთმოს და იტალიის გარეთ, მაგალითად, ინგლისში გაყიდოს, სადაც მისდამი ინტერესს "მანჩესტერ იუნაიტედი" იჩენს.