ეს ფოტო, ფილმიდან ''ეშმაკს აცვია პრადა'' ალბათ ბევრს გეცნოთ. ფილმში ახალგაზრდა ჟურნალისტი გოგონა მოდის წამყვან ჟურნალში იწყებს მუშაობას, მრავალი გოგოს საოცნებო სამსახურში, მაგრამ პრობლემა ისაა, რომ მსუბუქად რომ ვთქვათ იგი მოდას საერთოდ არ მიჰყვება და საერთოდ არ აქცევს ყურადღებას საკუთარ ჩაცმულობასა თუ გარეგნობას, ამის გამო კი მას ამ სამსახურისათვის შეუფერებლად მიიჩნევენ, თუმცა ყველაფერი შეიცვლება, როცა გოგონა თანამშრომელი დიზაინერის რჩევებს გაითვალისწინებს.

დღეს იმდენად ჭირს სამსახურის პოვნა და შენარჩუნება, მითუმეტეს სასურველის, რომ ჩვენ მზად უნდა ვიყოთ ჩვენი შესაძლებლობების მაქსიმალურად გამოსაყენებლად. პრეზენტაბელური გარეგნობა კი ერთ–ერთი საჭირო მოთხოვნა და გამოწვევაა თავის დასამკვიდრებლად. ამიტომ ვეცადოთ ყოველთვის ფორმაში ვიყოთ და სასიამოვნოდ გამოვიყურებოდეთ, უკეთესი კი იქნება თუ საკუთარ სტილს მოვირგებთ, იქნება ეს კლასიკური, ქალური, თუ ექსტრავაგანტული, კარგი იქნება ერთფეროვნებასაც გავცდეთ.