საზოგადოება ყველაზე გლამურული პირველი ლედი, რომელმაც დაარღვია ისლამური ეტიკეტი 2015, 18 აპრილი, 11:04 ნათქვამია, რომ იყო მოდური არ არის რთული, თუმცა სრული სიზუსტით მოირგო სტილი, ეს უკვე ძნელია. ისიც ცხადია, რომ მოდურად ჩაცმა სულაც არ მიუთითებს ჩვენს იდეალურობას, რადგან ხშირია ამ დროს ფაქტები სასაცილოდ გამოვიყურებოდეთ, ხოლო დახვეწილი გემოვნების შესაბამისად ჩაცმა მოდას კი არ აგაყოლებთ, არამედ თვით მოდას ააწყობინებს თქვენზე ფეხს. იმასაც ამბობენ, რომ ევროპაში წარსულში არსებობდა უამრავი ცნობილი ქალი, რომელთაც შეიძლება ეწოდოთ "სტილის ხატები" და გასაოცარია შეიძლება კი აღმოსავლური ლამაზმანები შევიდნენ მათ სიაში მაშინ, როცა მათი ჩაცმა მხოლოდ შეფუთვას ხელმძღვანელობს? თქვენ წარმოიდგინეთ დიახ და ამის დასტურად ყველაზე დახვეწილ და გემოვნებიან ქალბატონს ეხლავე გაგაცნობთ.
როგორც ცხადია რელიგიური მრწამსიდან გამომდინარე აღმოსავლეთის ქვეყნებში ქალები თმიდან ფეხის კოჭამდე შემოსილნი არიან და ფერიც ძირითადად შავია, თუმცა სტილის ეტალონის ნათელი მაგალითია ყატარის შეიხის ჰამად ბინ ხალიფა ალ-თანის მეუღლე- "მოზა ბინ ნასერ ალ მისნედი". მოზა ბინ ნასერ ალ მისნედი ეგვიპტის პრეზიდენტის Nasser bin Abdullah Al-Missnid-ის ქალიშვილია, რომელიც დაიბადა 1959 წელს კანადის ქალაქ ალქორში. 1977 წელს, 18 წლის ასაკში იგი მიათხოვეს ცოლად პრინც ჰამად ბინ ხალიფა ალ-თანის, რომელიც დღეს კატარის მმართველი შეიხია და ტრადიციის მიხედვით მოზას გარდა კიდევ ორი ცოლი ჰყავს, თუმცა მისი განათლებისა და გამორჩეულად დახვეწილი სტილის გამო საზოგადოების წინაშე სწორედ რომ მოზასთან ერთად ჩნდება ხოლმე. მოზა საკმაოდ განათლებულია, 1986 წელს კატარის სოციოლოგიის უნივერსიტეტის ბაკალავრი დაამთავრა და ასევე აქტიურადაა ჩართული ქვეყნის საზოგადოებრივ ცხოვრებაში. წარმოადგენს კატარის განათლების, მეცნიერების და საზოგადოებრივი განვითარების ფონდის თავმჯდომარეს; უზენაესი საბჭოს საოჯახო საქმეთა მინისტრს; უმაღლესი საბჭოს განათლების პრეზიდენტს; იუნესკოს სპეციალურ წარმომადგენელს. სწორედ მისი წყალობით შეიქმნა განათლების ორი ახალი პროექტი: "ბავშვთა არხი ალ-ჯაზირა" და "ცოდნის ქალაქი". "ცოდნის ქალაქი" ეს არის საუნივერსიტეტო ქალაქი და თავად უნივერსიტეტი, სადაც სწავლებებს აწარმოებენ ა.შ.შ-ს ცნობილი უნივერსიტეტების- "ვირჯინიის" და "კარნეგის" პროფესორები. თვითონ მოზაც ხშირად კითხულობდა ლექციებს აღმოსავლეთის ქალებზე არსებული მითების გაბათილებაზე თანამედროვე საზოგადოებასთან, რისთვისაც კარნეგის უნივერსიტეტმა მას "საპატიო დოქტორის" წოდება მიანიჭა. 56 წლის შეიხი მოზა შვიდი შვილის- 5 ვაჟის და 2 ქალიშვილის დედაა და ამის მიუხედავად შესანიშნავ ფიგურას ფლობს. ის პირველად გამოჩნდა ხალხში პირბადის გარეშე, რითაც ისლამური ეტიკეტი დაარღვია, თუმცა ამის გამო არ გაიკიცხა. მას ჩაცმის და თვითგამოხატვის უნიკალური სტილი აქვს, რომელსაც ჭეშმარიტი სარწმუნოების ტრადიციებს შესანიშნავად უხამებს- წელში გამოყვანილი გრძელი კაბები მის სილუეტს უფრო ნათელს ჰფენს, აქსესუარების და თავსაბურავის ფერთა და ფორმათა შეხამება კი მეტ ელეგანტურობას მატებს, რასაც ასევე ავსებს ტრადიციული, აღმოსავლური ქვების დიდი ბეჭდები, მძივები და საყურეები. ამ უნიკალური, გამორჩეული და იშვიათი სტილით კი მოახერხა და ჟურნალ Vanity Fair-ის მიხედვით მსოფლიოს ელეგანტური ქალების რეიტინგში მეორე ადგილს იკავებს და აქვე მინდა ავღნიშნო, რომ პირველი ლედი ძირითადად იმოსება Valentino, Chanel და Yves Saint Laurent -ის სამოსში. ეხლა კი სახასიათოდ მის უამრავ ფოტოს შემოგთავაზებთ: 965 18-ს მოსწონს
|