სულ ცოტა ხნის წინ გავიგეთ სიახლე მართვის მოწმობის ასაღებად თეორიული საკითხების უკეთესობისკენ შეცვლის შესახებ, სადაც ნიმუშად მოყვანილ ნახატ ფოტოებს ჩაანაცვლებს ქალაქის გზების ამსახველი რეალური ფოტოები და ვიდეოები, რაც უზრუნველყოფს თეორიული ბილეთების მარტივად შესწავლას და არა თვალითი სიზეპირეს. ჟურნალისტების განცხადებით ამ წლის (2015) 25 თებერვალს კი ძალაში შევიდა საკანონმდებლო ცვლილება, რომლის თანახმად მოზარდებს უკვე 16 წლიდან შეეძლებათ მართვის მოწმობის აღება.

ამ კანონის ცვლილების შესაბამისად, მაშასადამე მართვის მოწმობის აღება შეეძლებათ 16 წლის პირებს, თუმცა აქვე დადგენილი შეზღუდვების შესაბამისად: მართვის უფლების მისაღებად ესა თუ ის პირი გამოცდაზე დაიშვება ერთ–ერთი მშობლის წერილობითი თანხმობით და გამოცდის წარმატებით ჩაბარების შემთხვევაში მას მიენიჭება ” A” ან/და “B ” კატეგორიის სატრანსპორტო საშუალების მართვის უფლება და მასზე გაიცემა მართვის უფლების დამადასტურებელი მართვის მოწმობა.

აქვე- 16 წლის ასაკში მართვის უფლებამინიჭებულ პირს ეკრძალება: მგზავრთა გადაყვანა სამარშრუტო საშუალებით, ტაქსით ან შემოსავლის მიღების მიზნით, ასევე ეკრძალება შრომითი ურთიერთობების საფუძველზე მძღოლად საქმიანობის უფლება.

რამდენად გამართლებულია ასაკობრივი ზღვარის დაწევა ასეთ შემთხვევაში, როდესაც საქმე ეხება მომატებული რისკის მქონე უფლებით არასრულწლოვანის აღჭურვას?

"ადრეულ ასაკში ადამიანის ტვინი ბევრად უფრო აქტიურია. მათ გააჩნიათ ავტომანქანის მართვის სწავლის მაღალი უნარი. აგრეთვე გასათვალისწინებელია საქართველოში დღეს-დღეობით გზებზე არსებული ვითარება - საგზაო წესების დაცვას ვერ ახორციელებს მძღოლთა დიდი ნაწილი. დავაკვირდეთ თუ როგორ ზეგავლენას მოახდენს აღნიშნული ცვლილება უკვე 16 წლიდან მძღოლების მიერ ავტომანქანის მართვის ხარისხზე და მოძრაობის უსაფრთხოებაზე"- გვინმარტავენ ქ. ლეიდენის უნივერსიტეტთან არსებული თავის ტვინის ლაბორანტები და ჩვენი კანონმდებლები.

როგორც ცხადია მსგავსი კანონი ავტოსატრანსპორტო საშუალების მართვის მიმართ 16 წლის ასაკიდან დაშვებულია ევროპის გარკვეულ ქვეყნებსა და ამერიკის შეერთებულ შტატებში.

P.S. ისღა დამრჩენია დაგემშვიდობოთ ამ სიახლით და მათ, ვინც ემზადებით მართვის მოწმობის ასაღებად, გისურვოდ წარმატებები და როგორც ჩვენში იტყვიან ხოლმე- "სულ მწვანეზე გევლოთ".