სისხლის სამართალი კრიმინალის ცოლი: - დამნაშავეა, მაგრამ მენატრება! 2015, 17 მარტი, 23:15 - გასულ წელს ჩემი სიყვარული მოკლეს. ვიცოდი, იგი რა საქმესაც მისდევდა, რა დაჯგუფებაშიც იმყოფებოდა. ამას თვითონაც არ მალავდა.
![]() ის ჭკვიანი, სასწაული წინათგრძნობის მქონე ადამიანი და ხუმარა პიროვნება იყო. შეიძლება ითქვას, რომ ცხოვრებას ირონიით უცქერდა. მისი უკანასკნელი საქმე, რომლის დროსაც იგი მოკლეს, სერიოზული იყო. ცნობილ კომერსანტს შანტაჟირებას დიდ თანხებზე უპირებდა. იმ დილით რაღაც სასწაულად გრძნობად საშიშროებას, მაგრამ ჩემთვის არ უგრძნობინებია. ჩუმად მაკოცა და წავიდა. მანქანაში ავტომატით ჩაცხრილვა არ აკმარეს და „ლიმონკებიც” შეუყარეს. მისი სხეულის ნაფლეთებთან ერთად ჩემი ცხოვრებაც ნაკუწებად გადაიქცა. ის მხოლოდ 23 წლის იყო. ![]() ჩვენი სიყვარულიდან მხოლოდ ფოტოსურათები შემოგვრჩა, იქ იგი ცოცხალი და ბედნიერია, ჩემთან და ბავშვთან ერთად სამშობიაროდან გამოდის, უკანა მხარეს კი აწერია: „ახლა ჩვენ ნამდვილი ოჯახი ვართ”. ოჯახად კი მხოლოდ 2 წელი ვიცხოვრეთ. ამიტომ მინდა დაფიქრდნენ ის მამაკაცები, რომლებსაც ნებისმიერი გზით სურთ ოჯახის რჩენა. ჩვენ, ქალებს თქვენ და თქვენი სითბო უფრო გვჭირდება, ვიდრე ბრჭყვიალა სამკაულები. გთხოვთ, საკუთარ შვილებს თვალებში ჩახედოთ და მხოლოდ ამის შემდეგ გადაწყვიტოთ ცხოვრების ავკარგიანობა. თუ საკუთარ თავს არ უფრთხილდებით, მათ მაინც ნუ გაამწარებთ. - პატივისცემით ირინე ![]() 339 1-ს მოსწონს
|