შინაურ ცხოველებს ერთგვარი სიხარული და ბედნიერება შემოაქვთ ოჯახში. განსაკუთრებით მაშინ, როდესაც ოჯახში ბავშვია, რადგან ყველა ბავშვი ოცნებობს პატარა, საყვარელ არსებაზე, რომელზედაც თავად იზრუნებს, მოუვლის და მასთან ერთად განვითარდება. მშობლებო, ნუ დაუშლით ბავშვებს შინაურ ცხოველებთან კონტაქტს. რადგან, სპეციალისტების მიერ დადგენილია, რომ ცხოველებთან კონტაქტი ბავშვებისთვის ძალიან სასარგებლოა. ისინი, ვინც ბავშვობიდან შინაური ცხოველების გარემოცვაში იზრდებოდნენ, დიდობაში კეთილ, ჰუმანურ, ჭკვიან და წარმატებულ ადამიანებად
ყალიბდებიან. გარდა ამისა, ბრიტანელი მენიერების დასკვნით, ცხოველებთან ხშირი ურთიერთობა ოჯახის წევრებს ასთმის, ალერგიის,
ვირუსებისა და სხვა მსგავსი ტიპის დაავადებებისადმი ერთგვარ
იმუნიტეტს უმუშავებს. გერმანელი მეცნიერებიც თვლიან, რომ რომ ცხოველებთან ერთად გაზრდილი ადამიანი გარე სამყაროსთან ადაპრიტებას გაცილებით იოლად ახერხებს, უფრო კომუნიკაბელურია, სირთულეებს იოლად უმკლავდება და სხვა. მეტიც, შინაურ ცხოველს
ბავშვისთვის ფსიქოლოგის როლის შესრულებაც კი შეუძლია, რადგან
მოყვარულ ძაღლთან ცოტა ხნით თამაში ან უბრალოდ მისი მოფერება
ყველაზე აგრესიულ და ნერვიულ ბავშვსაც აწყნარებს, გულჩათხრობილ
ბავშვს კომუნიკაციისკენ უბიძგებს, თანატოლებთან გართობას ანდომებს და სხვა.