აშშ-ს სახელმწიფო დეპარტამენტმა მოუწოდა მოხელეებს, ელჩებს და სხვა თავის თანამშრომლებს თავი შეიკავონ საქველმოქმედო აქციაში Ice Bucket Challenge-ში მონაწილეობისგან, იუწყება The Washington Post-ი.

როგორც სახელმწიფო დეპარტამენტის პრეს-მდივანმა მარი ჰარფმა აუწყა ჟურნალისტებს, "ამერიკელ ელჩებს და სხვა ფედერალურ ჩინოვნიკებს ეკრძალებათ საქველმოქმედო აქციაში მონაწილეობა".

ჰარფმა განმარტა, რომ ეთიკური ნორმების თანახმად ჩინოვნიკებს ეკრძალებათ დაეხმარონ საქველმოქმედო ორგანიზაციას, "როგორი კეთილშობილური არ უნდა იყოს მოტივი".

ამასთანავე ჰარფმა აღნიშნა, რომ "Ice Bucket Challenge" უდავოდ კარგი წამოწყებაა.

უფრო ადრე თეთრმა სახლმა განაცხადა, რომ პრეზიდენტი ბარაკ ობამა არ გადაისხავს ყინულიან წყალს.ეს გახლდათ პასუხი ჯასტინ ბიბერის გამოწვევაზე.(ცნობისთვის, ინტერნეტში გავრცელებული ვიდეო, თითქოს ბარაკ ობამა ყინულიან წყალს ისხავს ყალბია.)

ბოლო მონაცემების თანახმად, მთელი აგვისტოს განმავლობაში ლუ გერიგის სინდრომით დაავადებულთა სამკურნალოდ თანხის შეგროვებაში მონაწილეობდნენ ბიზნესმენები, ხელოვნების მუშაკები, სპორტის და შოუ-ბიზნესის ვარსკვლავები და რიგითი მოქალაქეები. ყინულიანი წყალი გადაივლო ამერიკის ექს-პრეზიდენტმა ჯორჯ ბუში უმცროსმაც.