ბევრი აქციისა და პროტესტის მიუხედავად საზეიმოდ და 30 ათასამდე "გახრწნილის" (როგორც მათ აქციის მონაწილეები უწოდებენ) საბედნიეროდ კაზანტიპი გაიხსნა. პირველმა ღამემაც ექსესების გარეშე ჩაიარა. მთავრობამ დიდად არც არაფერი მოიმოქმედა აქციის მონაწილეთა დასაწყნარებლად. ეკონომიკის მინისტრმა დემონსტრაციულად გააგზავნა ტურიზმის სააგენტოს ხელმძღვანელი სიგუა, თუმცა-ღა კაზანტიპის აკრძალვა ფიქრადაც არ გაუვლიათ (ან ვინ იტყოდა უარს ჯიბეების გავსებაზე).

იმისათვის, რომ რაიმე სერიოზული დაპირისპირება არ მოხდეს, კაზანტიპისა და საერთოდ, ანაკლია-გალმუხურის ტერიტორიაზე 1000-ზე მეტი პოლიციელია მობილიზებული და "ნარინჯისფერ რესპუბლიკაში" მხოლოდ შემოწმების შემდეგ უშვე

ბენ ხალხს.

კაზანტიპის "პრეზიდენტი" აცხადებს, რომ ტერიტორიაზე სასტიკადაა აკრძალული ნარკოტიკის გავრცელება და ამბობს, რომ თვითონაც არაა მომხრე ნარკოტიკებისა, რაც შეეხება სექსს და გარყვნილებას, მარშუნოკი აცხადებს:

- თქვენ ყველა სექსის წყალობით მოევლინეთ ქვეყანას...

კაზანტიპის "მოქალაქეები" გაოცებულები არიან ქართველი ხალხის პროტესტით და ვერ ხვდებიან რატომ გამოიწვია კაზანტიპმა

ასეთი აჟიოტაჟი, მათთვის ძნელია გაიგონ რაშია საქმე: მენტალიტეტი, წარსული, რელიგია, უცხოა მათთვის ეს ყველაფერი.... ევროპელებისათვის მარხვა დიდი ხანია წარსულს ჩაბარდა და იშვიათად იცავს ვინმე, ჩვენთვის კი ზუსტად ეს პერიოდი ემთხვევა მძიმე მარხვას. ამ დროს ხალხი ბევრ საკვებზე ამბობს უარს და ასეთი სახის დროსტარებაზე ხომ საუბარიც ზედმეტია.