კარგად მოგეხსენებათ, რომ ვარსკვლავური ურთიერთობები, ქორწინებები და განქორწინებები მუდამ საზოგადოების განხილვის თემაა და ჭორების ქარ–ცეცხლში მუდმივად ტრიალებს. ასეთია ადამიანური ბუნება- ენას ხომ ძვალი არ აქვს, თუმცა ეს იმის გამოვლინებაა, როდესაც ადამიანს საქმე გამოლევია, ძალიან შორსაც რომ არ წავიდე, პაპარაცების პროფესია სწორედ პირდაპირ არის ჭორების გავრცელების კავშირში. დღევანდელი სტატია სწორედ, რომ ისეთ ვარსკვლავურ ურთიერთობებს ეხება, რომელთაც საზოგადოების ინტერესი თავიანთი ქორწინებით დააკმაყოფილეს, თუმცა ეს ნაბიჯი საზოგადოების გამო სულაც არ გადაუდგამთ მათ და სანამ ოჯახურ უღელს შეუდგნენ, წლების მანძილზე ითვლებოდნენ პაპარაცების ობიექტებად.

გთავაზობთ ვარსკვლავურ ურთიერთობებს, რომელთა წყვილი საზოგადოებისთვის მოსალოდნელი იყო:

1. Natalie Portman და Benjamin Millepied. მაშასადამე სიის პირველ ადგილს იკავებს ყველასათვის კარგად ნაცნობი, უმშვენიერესი ნატალი პორტმანი, რომელმაც ბენჟამენი ფილმ "შავი გედი"-ს გადაღების დროს გაიცნო, სადაც ბენჟამენი ქორეოგრაფად მუშაობდა. წყვილმა გასულ დეკემბერს გაავრცელა ინფორმაცია რომ დაინიშნენ, მაშინ როდესაც ნატალი ორსულად იყო. წყვილი ბედნიერია და ყავს ერთი ვაჟიშვილი ალეფი, ბოლოს კი რაღა თქმა უნდა იქორწინეს.

2. Zoe Saldana და Keith Britton. 10 წელზე მეტია წყვილი ერთად არის. "My Fashion Data Base"-ის მოდელი ზოე აცხადებს: "ჩვენმა ურთიერთობამ ამდენხანს მხოლოდ იმიტომ გასტანა, რომ არ ვუსმენდით საზოგადოებას და ვმოქმედებდით მხოლოდ საკუთარი გულის მიხედვით".

3. Jessica Simpson და Eric Johnson. წყვილმა ურთიერთობა 2010 წლის მაისში დაიწყო, ნიშნობის შესახებ იმავე წლის ნოემბერში ალაპარაკდნენ და მას შემდეგაც ძალიან მალე იქორწინეს. წყვილს ყავს 2 შვილი და უზომოდ ბედნიერია.

4. Kristen Bell და Dax Shepard. წყვილმა ერთმანეთი გაიცნო ფილმი "ერთხელ რომში"-ს გადაღებების დროს და მას შემდეგ არის განუყრელად ერთად.

5. Carmen Electra და Rob Patterson. როკ-მუსიკოსი და უმშვენიერესი კარმენ ელექტრა 3 წლის მანძილზე იყვნენ დანიშნულები, მათმა ხანგრძლივმა ურთიერთობამ კი ქორწინებით დააგვირგვინა.

6. Kate Hudson და Matt Bellamy. მუსიკოსმა მეთმა და არაჩვეულებრივმა და უნიჭიერესმა მსახიობმა ქეითმა ურთიერთობა 2010 წლის შემოდგომას დაიწყეს. წლისთავზე კი, როდესაც ქეითი ორსულად იყო, მათ ნიშნობა ჩაატარეს და მალევე იქორწინეს კიდეც.

7. Petra Nemcova და Jamie Balmain. ჩეხი მოდელი და ბრიტანელი მსახიობი ერთმანეთს 8 თვიანი ურთიერთობის შემდეგ ცხოვრებას ჯერ ნიშნობით, შემდეგ კი ქორწინებით უკავშირებენ. გასახსენებელია ის ფაქტიც, რომ ცუნამის დროს, რომელიც თითქმის 8 წლის წინ მოხდა, მოდელმა დაკარგა საქმრო და კინაღამ თვითონაც შეეწირა ამ სტიქიას, თუმცა პეტრა გადარჩა და ბედმაც კვლავ გაუღიმა, ის ბედნიერია ჯეიმისთან.