ნიუ-იორკელმა ფოტოგრაფმა, ბობ კერიმ პირველად თავისი უჩვეულო და სახალისო ფოტოები გადაიღო მას შემდეგ, რაც მის მეუღლეს, ლინდას მკერდის კიბოს დიაგნოზი დაუსვეს. ფოტოგრაფის სიტყვებით, ამ პროექტით სურდა ცოლს დახმარებოდ

მძიმე წუთების გადატანაში: "როცა ლინდა სამკურნალოდ წავა, თან წაიღებს ტელეფონში ჩატვირთულ ამ ფოტოებს, დაათვალიერებს მათ სხვა ქალებთან ერთად და ბევრს იცინებენ."

მოდით, ჩვენც დავათვალიეროთ ეს კეთილი, შეიძლება სულელური, მაგრამ ნამდვილად საჭირო ფოტოები.

დადებითმა გამოხმაურებებმა და ცოლის გამოჯანმრთელებამ ბობს გადააწყვეტინა გაეგრძელებინა ფოტოების გადაღება. ეს იდეა, სახელწოდებით Tutu Project, განვითარდა, როგორც ე.წ. "ვირუსული" პროექტი.

დღეისათვის აღნიშნული პროექტისადმი მიძღვნილ Facebook-ის გვერდს 78 ათასამდე ხელმომწერი ჰყავს.

ვარდისფერ საბალეტო კაბაში გამოწყობილი მამაკაცის ფოტოები საკმაოდ პოპულარული გახდა. ბობი მათგან კალენდარსაც აკეთებს, რომლის შეძენაც პროექტის ოფიციალურ გვერდზეა შესაძლებელი. გამომუშავებული თანხა კი მთლიანად ირიცხება კერის ფონდში, რომელიც ფოტოგრაფმა "ძუძუს კიბოთი" დაავადებული პაციენტების დასახმარებლად შექმნა.

"კიბომ დაგვანახა, რომ ცხოვრება მშვენიერია, მაგრამ ძნელი, - აცხადებს კერი, - ზოგჯერ ყველაზე კარგი და ერთადერთი, რისი გაკეთებაც შეგვიძლია, ერთი დღით მაინც რომ გავიხანგრძლივოთ სიცოცხლე, არის ის, რომ ვიცინოთ საკუთარ თავზე და გავაცინოთ სხვებიც."