საშინელი ტრაგედია დატრიალდა მექსიკაში.ნარკოკარტელ "ლოს-სეტასის" წარმომადგენლებმა დახოცეს მუსიკალური ჯგუფ Kombo Kolombia-ს წევრები.ანსამბლში 17 მუსიკოსი იყო.აღსანიშნავია, რომ მკვლელები უაღრესი ცინიზმით მოექცნენ მუსიკოსებს, სანამ დახოცავდნენ, მაფიოზებმა ისინი აიძულეს 2 საათიანი კონცერტი ჩაეტარებინათ, იუწყება Diario Digital Juarez.

ბანდიტებმა ეს სისასტიკე ჯერ კიდევ გასული წლის იანვრის თვეში ჩაიდინეს, თუმცა გარემოებები ახლა გახდა ცნობილი, როდესაც პოლიციამ შესძლო და დააპატიმრა კარტელის ლიდერი ხოსე ვილიარეალი.

ჯგუფი Kombo Kolombia- ს მკვლელობა სრული მაფიოზური სცენარით განვითარდა, ყველა "კლასიკური" მეთოდი დაცული იყო.მუსიკოსები მოიწვიეს ბარ La Carreta-ში(შტატი იდალგო), სადაც "ლოს-სეტასის" ბანდის წევრებიც ესწრებოდნენ.2 საათიანი კონცერტის შემდეგ მუსიკოსები სათითაოდ გაიყვანეს და დახოცეს, 8 მათგანი ჭაში ჩააგდეს.

როგორც დაკავებულმა ბანდის მეთაურმა აღიარა მათი დახოცვის მიზეზი მეტოქე ნარკომაფიოზების ტერიტორიაზე გამართული კონცერტი გახდა.

აღსანიშნავია, რომ "ლოს-სეტასის" ნარკოკარტელი მუსიკოსებს აფინანსებდა და ჯგუფს რეკლამირებასაც უწევდა.