რუსმა ჟურნალისტმა ქსენია სობჩაკმა, რომელიც ასევე აქტიურად არის ჩაბმული პოლიტიკაში, თავის ვებგვერდზე გამოაქვეყნა მიმართვა, სადაც მან გაკვირვება გამოხატა იმ ფაქტთან დაკავშირებით, რომ ვიქტორ იანუკოვიჩი არ ჩანს საზოგადოებრივ ცხოვრებაში და ემალება პრესას.

ჟურნალისტმა თქვა- "უცნაურია, რომ როდესაც ბატონმა ჩურკინმა გაეროს უშიშროების საბჭოს წერილი აჩვენა, სადაც იანუკოვიჩი რუსეთს თხოვდა რომ თავისი ჯარით შესულიყო უკრაინაში და აღედგინა კონსტიტუციური წესრიგი. სად არის ამ დროს იანუკოვიჩი? იმ შემთხვევაში თუ ის უკრაინის ლეგიტიმური პრეზიდენტია, სად მიმართავს ის უკრაინელ ხალხს. სად არის მისი მიმართვა საერთაშორისო თანამეგობრობისადმი? სად არის მისი მრავალრიცხოვანი ინტერვიუები რუსულ მედიაში? გამოდის რომ წერილი არსებობს, მაგრამ სად არის იანუკოვიჩი? საინტერესოა, ოდესმე იყო ის კაცი?"