შოკოლადი, ეს ის ნუგბარია, რომლის სიყვარულსაც ასაკი ნამდვილად არ გააჩნია. ხშირად, აკრძალვების მიუხედავადაც
კი ვერ ვამბობთ მასზე უარს. მეცნიერულმა კვლევებმა აჩვენა, რომ მისი ზომიერად მიღება, არათუ საზიანო, არამედ სასარგებლოცაა ჯანმრთელობისთვის. კვირაში 2-3ჯერ მცირე ულუფა შავი შოკოლადის მიღება, აუმჯობესებს სისხლის მიმოქცევას, ზრდის ტვინის სისხლით მომარაგებას, აუმჯობესებს შემეცნებით უნარს, ანტიოქსიდანტებით დატვირთული ისეთი პროდუქტების მიღება, როგორიცაა შავი შოკოლადი, გვიცავს მრავალი სახის კიბოსაგან
და ამცირებს უჯრედების დაბერების პროცესს, ჯანმრთელ ელფერსა და ელასტიურობას სძენს ჩვენს კანს, შეიცავს ისეთ ელემენტებს, როგორიცაა კალიუმი, სპილენძი, მაგნიუმი, რკინა. აგრეთვე, თუ დეპრესიამ, ან უხასიათობამ შეგაწუხათ, მიირთვით შავი შოკოლადი და ის სწრაფად აგიმაღლებთ გუნება-განწყობილებას.

ამ მრავალ სარგებლობასთან ერთად, შოკოლადის სიყვარული, შთაგონების წყაროდაც ქცეულა და მისდამი სწრაფვა ხელოვნებაშიც
გადაზრდიათ ადამიანებს. ამაში კი, თავადაც დარწმუნდებით, თუ თვალს გადაავლებთ ამ საოცარ ქმნილებებს.