ინგრედიენტები:

800 გრამი ნაკლებცხიმიანი ღორის ხორცი

2 თავი ხახვი

500 გრამი ბულგარული წითელი წიწაკა

800 გრამი კონსერვირებული პამიდორი

მარილი და წიწაკა გემოვნებით

3 სუფრის კოვზი კარაქი

მომზადება:

ხორცი დავჭრათ პატარა ნაჭრებად, ხახვი დავჭრათ ალყა-ალყად, ბულგარული წიწაკა-მოგრძო ნაჭრებად.

სქელძირიანი ქვაბი დავდგათ ძლიერ ცეცხლზე, გავადნოთ მასში 3 სუფრის კოვზი კარაქი, ჩავყაროთ ხორცი და მოვშუშოთ 3-4 წუთი.

გადმოვიღოთ ხორცი თეფშზე, ხოლო ქვაბში ჩავყაროთ დაჭრილი ხახვი, დავუწიოთ ცეცხლს და ხახვი მოვშუშოთ კარგად.

დავამატოთ წიწაკა და კიდევ ვშუშოთ 5 წუთი.

ისევ ჩავუშვათ ქვაბში ნახევრად მომზადებული ხორცი, დავამატოთ კონსერვირებული პამიდორი თავის წვენთან ერთად, დავახუროთ ქვაბს თავი და ვშუშოთ ნელ ცეცხლზე ხორცის სრულ მზადყოფნამდე(40-45 წუთი).

დავამატოთ მარილი და წიწაკა.

სუფრაზე მივიტანოთ ცხელი კარტოფილის პიურესთან ერთად.

მიირთვით გემრიელად!