იტალიაში, მღვიმეების ქალაქ სასი დი მატერაში მდებარეობს საოცრად უნიკალური სასტუმრო. მისი ნომრები განლაგებულია კლდეებში ისევე, როგორც ამ ქალაქის საცხოვრებელი სახლები, მაღაზიები, სასახლეები, ეკლესიები. სასტუმრო Le Grotte della Civita ძალიან შორსაა ფუფუნებისაგან ამ სიტყვის თანამედროვე გაგებით, მაგრამ სამაგიეროდ ის სავსეა იდუმალებითა და უცნაურობებით.

თუმცა ეს არ ნიშნავს იმას, რომ სატუმრო მოკლებულია კომფორტსა და თანამედროვე კომუნიკაციებს. მის სტატუსზე ხშირად ლაპარაკობენ ისეთი ცნობილი გამომცემლობები და ორგანიზაციები, როგორიცაა Times, New York Times, იუნესკო და სხვები. ის შეტანილია ყველაზე ლამაზი და უნიკალური დედამიწის ადგილების სიაში და წარმოადგენს მსოფლიო მემკვიდრეობის ობიექტს.

მთელი სასტუმრო კომპლექსი განლაგებულია 18 გამოქვაბულში, სადაც სტუმრებს ბევრი საინტერესო ელით.

პირველი ნახვით შეიძლება მოგვეჩვენოს, რომ ეს აბსოლუტურად შუასაუკუნეების შენობაა:ქვის იატაკი და კედლები, სანთლები, მძიმე ხის სკამები, ძველი კარები დაჟანგული საკეტებით. მაგრამ ნელ-ნელა ეს შეფასება იცვლება.

ოთახები ძალიან ნათელი და მშვიდია, ფანჯრებიდან მოჩანს მთიანი შემოგარენის საოცრად ლამაზი ხედები.მომსახურეობის დონე და კულტურა კი ნამდვილად გაგაოცებთ: აქ არის ინტერნეტი, სხვადასხვა ბიზნეს-მომსახურეობა, განვითარებული ინფრასტრუქტურა, შესანიშნავი სანტექნიკა და კონდიციონერები.

საჭმელი მზადდება ადგილობრივი პროდუქტებისაგან: შეგიძლიათ დააგემოვნოთ შესანიშნავი ხარისხის ღვინო, მიირთვათ ახალი ხილი, პირი ჩაიტკბარუნოთ უგემრიელესი ნამცხვრებითა და ნატურალური თაფლით.

ასე რომ, თუ იტალიაში მოგზაურობას გადაწყვეტთ, ეწვიეთ სატუმრო Le Grotte della Civita-ს და აქ მიღებული შთაბეჭდილებები დიდხანს გემახსოვრებათ.