ცნობილი ქართველი მსახიობი ია ფარულავა ქმრის, ტარიელ სუარის საიდუმლო დიეტას გვიმხელს. სწორედ ამ დიეტის წყალობით დაიკლო მუსიკოსმა ერთ თვეში 50 კილოგრამი.

"მაშ ასე მეგობრებო, როგორ გარდაირქმნა ეს ბოჩკა სექსი მაჩოდ:

1.მან დაკიდა სახლში, თავის გარშემო თავისივე გამხდარი ფოტოები.

2.ჩაიცვა გასახდომი ბოტასები.

3.დღეში 2 საათი ვარჯიშობდა.

4.დიეტა–უზმოზე ერთი კოვზი თაფლი, ნახევარი ლიმონი და წყალი. საუზმეზე-რაც გინდა და რამდენიც გინდა.

12 საათიდან 4 საათამდე-2 ჯერ კვება უნდა მოასწროთ ოღონდ განცალკევებული (არ შეიძლება შერევა, ეს ცხრილი ყველგან არის და ნახეთ.)

არ შეიძლება შაქარი, ფქვილეული. ხილი მხოლოდ 2 ცალი. წყალი 4 საათის მერე მიირთვით.

ასევე გაითვალისწინეთ, რომ ტარიელი დილის 6-ზე დგება და დანარჩენი თქვენს რეჟიმს მოარგეთ. წარმატებები!!!"-წერს ია ფარულავა "ფეისბუქის" საკუთარ გვერდზე. მსახიობმა ამ დიეტას ტარიელის ძველი ფოტოც დაურთო.

იამ დასძინა, რომ მისმა მეუღლემ ამ დიეტით ერთ თვეში 50 კგ დაიკლო, პირადად მე კი ამ დიეტის ნერვები არ მაქვსო.

"ტარიელის დიეტას" იას "ფეისბუქის მეგობრების" აქტიური გამოხმაურება მოჰყვა. ზოგიერთები აპირებენ საკუთარ თავზე გამოსცადონ, მეორენი კი ირწმუნებიან, რომ ეს დიეტები სისულელეა და მოხდენილი ფორმების საიდუმლო, კარგი აღნაგობა, ჯანმთელი კვება და ვარჯიშია. ტარიელის სახეცვლილება კი გასაოცარია.