PlayStation 4 რეკორდებს ამყარებს: ერთი დღე-ღამის მანძილზე კომპანიამ სულ ერთი მილიონი სათამაშო აპარატი გაყიდა, რაც PlayStation-ის ბრენდისთვის რეკორდული მაჩვენებელია.
აშშ-ში გაყიდვების დაწყებიდან 24 საათის გასვლის შემდეგ Sony Worldwide Studios-ის პრეზიდენტმა სუჰეი იოშიდამ Twitter-ის მიკრობლოგზე დაწერა, რომ გაყიდვებით მიღწეული შედეგი PlayStation-ის ისტორიაში რეკორდულია.
ანალიტიკოსების პროგნოზით, PlayStation 4-ის გაყიდვების მაჩვენებელი მნიშვნელოვნად გაიზრდება 29 ნოემბრიდან ანუ მას შემდეგ, რაც ახალი სათამაშო აპარატი ევროპულ ბაზარზეც შევა. იაპონიაში კი, PlayStation 4 2014 წლის თებერვალში გამოჩნდება.