როგორც სოციალურ ქსელ facebook-ზე გავრცელდა, საკვირაო წირვის შემდეგ ქალაქის თითქმის ყველა ტაძარში მოსაწვევი ბუკლეტები დარიგდა და მამაოებმა ქადაგებაში ამბიონიდან მრევლს მოუწოდეს – 21 ნოემბერს აქციაში მონაწილეობის მისაღებად!

21–ში გამოჩნდება, თუ როგორ გვინდა ალტერნატიული საბუთები...

შეგახსენებთ, 21 ნოემბერს 13:00 სთ–ზე დაგეგმილია შეკრება თბილისის იუსტიციის სახლთან, სადაც ოქტომბრის თვიდან მიმდინარეობს სადღეღამისო აქციები არაელექტრონული უჩიპო მოწმობების დაშვებასთან დაკავშირებით.

14:00 სთ–ზე იუსტიციის სახლიდან დაიწყება მსვლელობა და დამთავრდება იუსტიციის სამინისტროსთან 16:00 სთ–ზე, სადაც გაიმართება აქცია და მონაწილეები ასიათას ხელმომწერთა სახელით სამინისტროსაგან მოითხოვენ – სასწრაფოდ დაიშვას ალტერნატიული მოწმობები.