"მე შენ მიყვარხარ" - მსოფლიოში სუსტი სქესის წარმომადგენელთა უმეტესობისთვის ამ ფრაზის მოსმენა სიყვარულის ახსნის ყველაზე მიღებული და სტანდარტული ფორმაა. თუმცა არსებობს ქვეყნები თუ ტომები, სადაც ცოლობის შეთავაზებას სრულიად განსხვავებული რიტუალებით ახდენენ. შემოგთავაზებთ სიყვარულის ახსნის რამდენიმე, ყველაზე უცნაურ რიტუალს.

1. ტაივანში 1930 წლამდე, ატაიალის ტომის მამაკაცები თვლიდნენ, რომ ზრდასრულობისა და ოჯახური ცხოვრების დაწყებისთვის მზაობის დასამტკიცებლად ყველაზე კარგი გზა იყო საყვარელი ქალისთვის მტრის მოკვეთილი თავის მირთმევა. ამ "საჩუქარს" დგამდნენ სახლის წინ, რათა ყველას შეძლებოდა დანახვა.

2. მე-19 საუკუნეში ზოგიერთ სკანდინავიურ ტომში საცოლის პოვნის შემდეგი წესი არსებობდა: როდესაც გოგონა მოწიფულობის ასაკს მიაღწევდა, ქამარზე იკიდებდა ქარქაშს. ეს იმას ნიშნავდა, რომ გოგონა სიყვარულის ძიებაში იყო. გოგოს ცოლად წაყვანის მსურველი მამაკაცი უნდა მისულიყო და ქარქაშში დანა ჩაედო. თუ დანას გოგო უკან დაუბრუნებდა, მამაკაცს სხვა საცოლის ძებნა მოუწევდა. დანის დატოვების შემთხვევასი კი ოჯახი შეიქმნებოდა.

3. ბრიტანეთში მცხოვრებ ბოშებში მოქმედი რიტუალის მიხედვით, თუ კაცს გოგო მოეწონება, საჭიროა მხოლოდ დაიჭიროს იგი და აკოცოს, თუნდაც ძალით. ამის შემდეგ ისინი დანიშნულად ითვლებიან და სულ მალე ქორწილსაც იხდიან. ქალი კი, რომლის აზრსაც არავინ ითვალისწინებს, მთელი ცხოვრება იძულებულია ცოლობა გაუწიოს ამ მამაკაცს.

4. ინდოეთის პატარა შტატში, ბიხარში, დღესაც შენარჩუნებულია "სასიძოს მოპარვის" ტრადიცია: გასათხოვარი გოგონას მშობლები უბრალოდ იტაცებენ სასურველ სასიძოს და მისი ნების გაუთვალისწინებლად აწყობენ საიდუმლო ქორწილს.

5. კამბოჯაში, კრეუნგის ტომებში არსებული ტრადიციის მიხედვით, როგორც კი გოგონას 13 წელი შეუსრულდება, მშობლები ცალკე დგამენ მისთვის "სიყვარულის ქოხს", სადაც გოგოს შეუძლია კონტაქტი ჰონდეს ნებისმიერ და ნებისმიერი რაოდენობით მამაკაცთან. ასე გრძელდება მანამ, სანამ არ იპოვის იმ "ერთადერთს". სამაგიეროდ, ქორწილის შემდეგ ქალს უკან დასახევი გზა აღარ აქვს, რადგან განქორწინება აქ აკრძალულია.