შავი როიალის შავ-თეთრ კლავიშებს

ისევ ავუწყობ ბახის სონატებს,

შექსპირს მოვპარავ ლექსის ფრაგმენტებს

და რომანებად გამოვაქვეყნებ,

მერე ავიღებ რემბრანტის ფუნჯებს

დაგლეჯილ ტილოს მოვხატავ უცებ,

შავი მენლითაც მივაწერ ფურცლებს

უმიზნოდ გასროლილ უაზრო სიტყვებს,

მერე დავჯდები უსიტყვოდ დავთვრები

თოვლის ფიფქივით გავაქრობ რითმებს,

სიგარის კვამლში დავბინდავ გრძნობებს

სითბოს დავუთმობ ვიღაცის ფიქრებს ,

და თეატრისთვის მოვირგებ როლებს

მერე ჩავჩხაპნი ფურცლებზე ნოტებს,

დროში ჩავახრჩობ სევდიან ფონებს

მოგონებებსაც ჩავუკეტავ სულში ნაპრალებს .

დალი მოქია