ჯინსები ზოგადად "კლასიკური მოდის" ფენომენს განეკუთვნება, ამიტომ ამ სტატიაში ჯინსის შარვლებზე საუბრით თავს არ შეგაწყენთ. ის ნებისმიერი დროს და სეზონზე შეგიძლიათ თამამად ატაროთ და ამით თქვენს მოდურ იმიჯს კიდევ ერთხელ გაუსვათ ხაზი მისი მეშვეობით. ამჯერად კი მინდა სეზონის ერთ-ერთ აქტუალურ ტრენდს ჯინსის კაბებს შევეხო. ჯერ კიდევ ზაფხულის პერიოდიდან ამ სამოსმა აქტიურად მოკიდა ფეხი მოდის მოყვარულებს შორის სარაფანის სახით. თუმცა საშემოდგომოდ მისი ტარება უკვე კაბის სტილში შეიძლება. აქაც ორი ვარიანტია ან ზაფხულის სარაფანი შეგიძლიათ ატაროთ მაისურთან ერთად, ან გრძელმკლავებიანი კაბა. ნებისმიერ შემთხვევაში იგი საოცრად კომფორტული და მოხდენილი სამოსია. შეგიძლიათ მასთან ერთად ატაროთ ფერადი აქსესუარები, დაპრინტული შარფი, მკვეთრი ფერის პატარა ხელჩანთა ან უხეში ტყავის ბათინკი..