სხეულის იდეალური ფორმების შესანარჩუნებლად ადამიანები, გასნსაკუთრებით, ზაფხულის პერიოდში იღწვიან - ზოგი იოგას მიმართავს, ზოგი ათასგვარ დიეტას იყენებს, თუმცა სასურველ შედეგს იშვიათად თუ აღწევენ. როგორც წესი, ჯანსაღი ცხოვრების წესით ცხოვრება ყველას ეზარება, სასურველ დროს კი სასურველი სხეული ციდან უცებ არ ჩნდება.

წონაში დასაკლებად და სხეულის სასურველი ფორმების მისაღებად, ძირითადად დიეტას მიმართავენ. არსებობს მრავალი სახის დიეტა, რომლის დროსაც ადამიანები საკუთარ თავს რაიმე სახის პროდუქტს უკრძალავენ, დიეტოლოგების ცნობით კი, დიეტა რაიმეს შეზღუდვას კი არა, სწორად კვებას ნიშნავს და არაა გამართლებული რაიმე სახის საკვების შეზღუდვა, ან საერთოდ არ მიღება.

ხალხური მედიცინა, ამ დარგშიც, საკმაოდ ეფექტურ საშუალებას გვთავაზობს გასახდომი კოქტეილის სახით:

კოქტეილის მოსამზადებლად დაგვჭირდება პომიდორი და სტაფილო.

2 ცალი პომიდორი და 2 ცალი სტაფილო "დავაბლენდეროთ". ერთი ჭიქა "დაბლენდერებული" სტაფილო და პომიდორი შევურიოთ ერთ ჭიქა უცხიმო კეფირს (ძროხის რძისაგან დამზადებული მომჟავო სასმელი), დავუმატოთ ცოტა მარილი და ცოტა წითელი წიწაკა. კარგად ავურიოთ და...

კოქტეილი სასარგებლოა ღვიძლისთვის, აწესრიგებს ნივთიერებათა ცვლას და კოქტეილის მიღების პერიოდში, თუ ზომიერად მიიღებთ საკვებს, დაგეხმარებათ იდეალური ფორმების შენარჩუნებაში.