ვენეცია, მსოფლიოს ერთ-ერთი ულამაზესი ქალაქი. როგორ უნდა მოექცე ყურადღების ცენტრში იქ, სადაც ყველაფერი საოცარი და შესანიშნავია. ამისათვის საჭიროა გყავდეს Amphicar-ი, გერმანული მცურავი ავტომობილი და ვენეციის ქუჩებში ისეირნო.
1963 წელს გამოშვებული მცურავი ავტომობილი. ეს არის გერმანული ავტოსაინჟინრო ხელოვნების კიდევ ერთი ჩინებული ნიმუში. ამ გამოგონების ავტორი კი ჰანს ტრიპელია.
Amphicar-ის წარმოება ბერლინში დაიწყო. დაგეგმილი იყო 25 000 ეგზემპლარის შექმნა, მაგრამ ეს უტოპიად მიიჩნიეს, რადგან მცურავი ავტო არცისე იაფი ეღირებოდა. თანაც მისი შეძენით ბევრი ადამიანი არ დაინტერესებულა. ექსპერტები ამბობენ, რომ სულ 2500-დან 3000-მდე ეგზემპლარი შეიქმნა. დღეისათვის კი Amphicar-ის 200 ეგზემპლარი შემორჩა.