ტელეკომპანია "მეცხრე არხი" საცდელ მაუწყებლობას 30 აპრილს, 21:00 საათზე დაიწყებს.
"ეთერს ტელეწამყვანი ნათია ლაზაშვილი საინფორმაციო გამოშვებით "ახალი ცხრაზე" გახსნის. იმავე დღის სატელევიზიო ეთერს, 22:00 საათზე გოგი ახალკაცის თოქ-შოუ "ახალკაცის მატრიცა" გააგრძელებს. 23:00 საათზე კი ეთერში ჟურნალისტ შალვა რამიშვილის სტუდიის მიერ მომზადებული ანიმაციური ფორმატის პოლიტიკური სატირა გავა. საცდელი მაუწყებლობის განმავლობაში ეს პროგრამები იქნება, ზაფხულის განმავლობაში კი სატელევიზიო ბადეს სრულად დავტვირთავთ", - განაცხადა ბექაურმა.
მისივე თქმით, საცდელი მაუწყებლობის განმავლობაში ეთერში მხოლოდ ზემოთ დასახელებული პროგრამები და მხატვრული და დოკუმენტური ფილმები გავა.
15:00 და 18:00 საათზე კი საინფორმაციო გამოშვებას ყოველდღე ჟურნალისტი სოფო ჩაკვეტაძე წაიყვანს.
31 აპრილიდან ტელეკომპანია მაუწყებლობას 12:00 საათიდან განაახლებს.