არც თუ საინტერესოდ დაიწყო ახალი სეზონი და ამხანაგური მატჩები ბარსელონამ.30 ივლისს პოლონეთის ქალაქ გდანსკში " ბარსელონა" ამხანაგურ მატჩს მართავდა "ლეხიასთან".მოგეხსენებათ, კატალონიელებს ამ შეხვედრით უნდა დაეწყოთ წინასასეზონო სამზადისი, მაგრამ ვილანოვას ავადმყოფობის გამო მატჩი ჩაიშალა.პირველად მატჩს ხერარდ მარტინო გაუძღვა, ხოლო 79 - ე წუთზე "ბარსას" მაისურით 21 წლის ბრაზილიელმა ბომბარდირმა ნეიმარმა ალექსის სანჩესი შეცვალა, რომელიც 11 ნომრიანი მაისურით თამაშობდა.მოგეხსენებათ, ეს ნომერი ტიაგო ალკანტარას ეკუთვნოდა, რომელიც მიუნხენის " ბაიერნში" 25 მილიონ ევროდ გადავიდა.
მატჩის დასრულების შემდეგ ბრაზილიელმა გულრწფელად აღიარა, რომ მისი ოცნება ასრულდა; - " ჩემი ოცნება ასრულდა.მიუხედავად იმისა, რომ ჯერ კიდევ დრო მჭირდება საუკეთესო ფორმაში ჩავდგე, ძალიან ბედნიერი ვარ, რადგანაც ჩემი კუმირის - ლიონელ მესის გვერდით თამაში შემიძლია. ყველაფერს გავიღებ, რომ " ბარსელონას" მიზნის მიღწევაში დავეხმარო" - ამაყად განაცხადა ბრაზილიელმა და მართლაც, რომ არა ლიონელ მესის გოლი, " ლეხიასთან" შეხვედრას მარცხით დაასრულებდნენ კატალონიელები, საბოლოო ჯამში კი უკვე მეორედ დამარცხდებოდა ბარსელონა წინასასეზონო მატჩებში.
რაც შეეხება თავად ბრაზილიელს, როგორც ფეხბურთის კრიტიკოსები აღნიშნავენ, ნეიმარმა პირველი თამაში " ბარსაში" ( მან მხოლოდ 10 წუთი ითამაშა), ნორმალურად ჩაატარა და მისი დებიუტი შედგა.
