"ჩემი ცოლის დაქალები" ბოლო პერიოდის ყველაზე რეიტინგული ქართული სერიალია. ყოველ შაბათ-კვირას "რუსთავი2-ის" საღამოს ეთერში ტელეეკრანებთან არამხოლოდ დიასახლები, არამედ უამრავი ახალგაზრდაცაა მოკალათებული.

სხვა სერიალებისგან განსხვავებით, ამ ფილმის წარმატების მიზეზი აშკარად ისაა, რომ მორგებულია ქართულ სინამდვილეზე და ზუსტად ასახავს ქართული ოჯახების რეალობას, რაც უდაოდ სცენარისტის დამსახურებაა.

ცოტა ხნის წინ სერიალის მთავარი ინტრიგა ნინას ოჯახის ირგვლივ ტრაილებდა, დიასახლისები ნინას გულშემატკივრობდენენ და ლანძღავდნენ დათოს, რომელმაც "ნინა ნათიას ძუძუებში გაცვალა".

ახლა სიტუაცია შეიცვალა და მაყურებლებს ახალი "საფიქრალი" გაუჩნდათ - სანდრექსას ნატაშკა შეუყვარდა.

მაყურებელთა აზრი ორად გაიყო, ზოგი კიცხავს სანდრექსას, იმის გამო, რომ მას გათხოვილი ქალი შეუყვარდა, რომელსაც 2 შვილი ჰყავს და თანაც ქმარი ციხეში.. მაგრამ როგორც სანდრექსა ამბობს:

“ - ვინც შემიყვარდა ის შემიყვარდა, მე რა ვქნა, რა შუაში ვარ?!”

რაც არ უნდა იყოს, შეყვარებული სანდრექსა ძალიან საინტერესო პერსონაჟად იქცა და სერიალს მეტი ხიბლი შემატა, რასაც მაყურებელთა რეაქცია ადასტურებს.

ასე რომ, ველოდებით მოვლენათა განვითარებას.