მეცნიერთა აზრით, ოჯახის წევრები რაც უფრო ხშირად ახერხებენ ერთად სადილობას, ვახშმობას და ა. შ., მით უფრო ჯანსაღია ოჯახი, მით უფრო მოწესრიგებულია მათი კვების რეჟიმი, ხოლო კერძები ჯანსაღ რაციონზე მზადდება. ექიმთა უკანასკნელი შეფასებით დადგინდა, რომ მოზარდთა 55% არასაკმარისი რაოდენობით მიირთმევს ხილს, 70% - ბოსტნეულს, 47% - რძის პროდუქტებს. მრავალჯერადი კვლევებით კიდევ ერთი საინტერესო ფაქტი გამოვლინდა: ბავშვებს, რომლებიც უახლოვეს ნათესავებთან იზიარებენ ტრაპეზს, უფრო ჯანსაღი იერი აქვთ და გაცილებით უკეთ გრძნობენ თავს იმ თანატოლებთან შედარებით, რომლებიც უწესრიგოდ იკვებებიან.